«ՈՉՆՉԱՑՐԵԼ Է ԹՇՆԱՄՈՒ 80 - ԻՑ ԱՎԵԼԻ ԶԻՆՎՈՐՆԵՐԻ, ՓՐԿԵԼ ՎԻՐԱՎՈՐ ԸՆԿԵՐՆԵՐԻ ԿՅԱՆՔԸ». ԱՆՄԱՀ ՀԵՐՈՍ ՆՎԵՐ ԳՐԻԳՈՐՅԱՆ

 2020 թվականի Արցախյան 44-օրյա դաժան պատերազմում ցավոք կորցրեցինք հազարավոր լուսավոր երիտասարդների, նրանցից մեկն էլ ՆՎԵՐ ՀԱՅԿԱԶԻ ԳՐԻԳՈՐՅԱՆՆ էր։

Այսօր, նոյեմբերի 11-ը նրա ծննդյան օրն է, կդառնար 25 տարեկան։ Անմահ հերոսի հայրենի Տուֆաշեն գյուղում գտնվող հուշարձանին այցելեցին հարազատներ, ընկերներ, համագյուղացիներ, Տուֆաշեն վարչական կենտրոնի ղեկավարը, աշխատակիցներ, ծաղիկներ խոնարհեցին ու խնկարկեցին։

Iravunk. com -ի Շիրակի մարզի թղթակիցը ներկա է գտնվել։ Նվեր Գրիգորյանը ծնվել է 2000 թվականի այս օրը նոյեմբերի 11-ին, Շիրակի մարզի Արթիկի շրջանի Տուֆաշեն գյուղում։ Անմահ հերոսի բարեկամուհին, Iravunk. com -ի հետ զրույցում նշեց. - Նվերը հայրենի գյուղի միջնակարգ դպրոցն ավարտելուց հետո, 2019-ին զորակոչվեց Հայոց բանակ ծառայության։ Ծառայել է ԼՂՀ Մարտակերտի զորամասում։

Պատերազմի ընթացքում զանգում էր ծնողներին ու միշտ ասում, որ ամեն ինչ կարգին է։ Շատ բարի, աշխույժ, աշխատասեր երեխա էր, շատ երազանքներ ուներ, ցավոք մնացին անկատար, ազատ ժամանակ սիրում էր նկարել, ինչպես նաև մեքենա վարել։ Չխնայելով ոչինչ, Նվերը խիզախաբար մարտնչել է Մարտակերտի, ապա նաև Մարտունու պաշտպանական դիրքերում։ Հրամանատարի զոհվելուց հետո իր վրա է վերցրել դասակի հրամանատարությունը, խիզախաբար ոչնչացրել է թշնամու 80 - ից ավելի զինվորների, հոկտեմբերի 29-ին փրկել է 20-25 վիրավոր ընկերների կյանքը ու իր պահած դիրքում զոհվել հերոսաբար, հոկտեմբերի 29-ին։ Երկար ժամանակ լուր չկար, անհետ կորած էր համարվում, մինչև հունվարի 15-ը»։

Դաժան պատերազմում ցուցաբերած արիության և խիզախության համար, Նվեր Հայկազի Գրիգորյանը, հետմահու արժանացել է «Մարտական ծառայության» մեդալի։Հայրենի Տուֆաշեն գյուղի միջնակարգ դպրոցում բացվել է նրա անվան դասասենյակ։

ՇՆՈՐՀԱՎՈՐ ԵՐԿՆԱՅԻՆ ԾՆՈՒՆԴԴ, ԱՆՄԱՀ ՀԵՐՈՍ, ՔՈ ՍԽՐԱՆՔՆ ԱՆՄԱՀ Է, ՔՈ ԱՆՈՒՆԸ ՄԵՐ ՍՐՏԵՐՈՒՄ...

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան CNN. ԱՄՆ-ն քիչ էր մնացել, որ պատերազմ սկսեր Չինաստանի հետ ՆԱՏՕ-ն պատրաստվում է պատերազմ սկսել Ռուսաստանի հետ 2029թ.-ին. ՌԴ ԱԳՆ Եթե Ռուսաստանի և Եվրոպայի միջև պատերազմ սկսվի, ապա այն կլինի միջուկային. Լավրով ԱՄՆ–ին կհաջողվի՞ իրանում քաղաքացիական պատերազմ հրահրել