Փաշինյան.Սահմանազատման արդյունքում մենք պետք է վերադարձնենք Արծվաշենը և ՀՀ մյուս օկուպացված ինքնիշխան տարածքները

Սահմանազատման արդյունքում մենք պետք է վերադարձնենք Արծվաշենը և ՀՀ մյուս օկուպացված ինքնիշխան տարածքները։ Այս մասին գրել է ՀՀ վարչապետ Նիկոլ Փաշինյանը։

Ավելի վաղ, Փաշինյանը տեսանյութ է հրապարակել՝ նշելով․

«Շատ քաղաքացիներ հարց են տալիս՝ ինչպես ենք պատրաստվում կառավարել մեր երկրի անվտանգային սպառնալիքները, մանավանդ որ խաղաղության հայտարարությունների արանքում հնչում են հայտարարություններ, որոնք չեն բխում հաստատված խաղաղության տրամաբանությունից։

Իմ պատասխանն այս հարցին էլի նույնն է՝ լեգիտիմություն։

Լեգիտիմիությունը մեր միջազգայնորեն ճանաչված՝ 29 743 քառակուսի/կմ ՀՀ ինքնաիշխան տարածքի վրա հիմնված քաղաքականությունների վարումն է։ Այդ լեգիտիմությունը մեզ թույլ է տալու երկու բան։ Առաջինը, որ մենք ի տարբերություն նախկինի՝ որևէ սահմանափակում չունենանք աշխարհի որևէ գործըներոջ հետ՝ ռազմատեխնիկական համագործակցություն սահմանելու, ձենզք զինամթերք ձեռք բերելու՝ ըստ անհրաժեշտության։ Դա գործնականում տեղի է ունեցել, մեր Իրական Հայաստանի գաղափարախոսության շնորհիվ երկրները հերթով մեզ հետ սպառազինության և ռազմական տեխնիկայի շուրջ համագործակցության սահմանափակումները հանում են։

Այս ամեն ինչը պատերազմի համար չի պետք, խաղաղության համար է պետք։ Մեր բոլոր դիրքորոշումների, քաղաքականությունների հիմնվելը մեր ինքնիշխան ու լեգիտիմ իրավունքների վրա ուրիշներին սահմանափակում է բոլոր դեպքերում, և մեր հնարավորությունները մեծացնում է բոլոր դեպքերում։

Լեգիտիմությունն է առանցքային գործոնը, որը պետք է ապահովի մեր անվտանգությունը, տարածքային ամբողջականությունը և ինքնիշխանությունը երկարաժամկետ կտրվածքով։

Լեգիտիմության հիմքի վրա մենք կարող ենք զարգացնել մեր բանակը, ձեռք բերել սպառազինություն, ռազմական տեխնիկա, իրականացնել բարեփոխումներ միջազգային գործընկերների հետ, ինչը և անում ենք»։

Այս թեմայով Որ խելքներդ չի հասնում, ծպտուն մի հանեք․ ԲԱՄԲԱՍԱՆՔ Թող ՔՈ ճանապարհը միշտ լինի հաղթանակերով լի, իսկ սիրտդ՝ խաղաղ ազնվագույն գերդաստանի արժանի ժառանգ «Իրավունք». «Որ խելքներդ չի հասնում, ծպտուն մի հանեք». Փաշինյանն օդերով է հանել նորելուկ պատգամավորներին Հայկ Սարգսյանի համար Փաշինյանի մոտ բարեխոսել ե՞ն․ ԲԱՄԲԱՍԱՆՔ Քոչարյանը՝ Փաշինյանին ձեռքով կանչելու մասին․ «էնքան ասեց՝ կոշիկդ հանելու եմ, ասեցի՝ արի, հանի»