Թրամփն արդեն պարզապես ստիպված է Մոսկվայի եւ Պեկինի հետ լեզու գտնել

Ա­ռա­ջին հա­յաց­քից այն տպա­վո­րութ­յունն է, որ ռուս-ա­մե­րիկ­յան պայ­քա­րը սկսել են նոր սրա­ցում­նե­րի հաս­նել, ար­դեն ծայ­րա­հեղ վտան­գա­վոր՝ մի­ջու­կա­յին հար­թա­կում: Հա­մե­նայն­դեպս, Ռու­սաս­տա­նը պաշ­տո­նա­պես ար­ձա­գան­քեց՝ միան­գա­մայն կոշտ պա­տաս­խան տա­լով մի­ջու­կա­յին փոր­ձար­կում­ներ սկսե­լու մա­սին Թ­րամ­փի հայտ­նի հայ­տա­րա­րութ­յա­նը:

Այս­պես, նա­խօ­րեին ՌԴ ԱԽ նիս­տում նա­խա­գա­հին զե­կու­ցե­ցին ու­ժա­յին­նե­րը: Պաշտ­պա­նութ­յան նա­խա­րար Բե­լոու­սո­վը, որը նպա­տա­կա­հար­մար է հա­մա­րում ան­հա­պաղ սկսել լայ­նա­ծա­վալ մի­ջու­կա­յին փոր­ձար­կում­նե­րի նա­խա­պատ­րաս­տա­կան ​​աշ­խա­տանք­նե­րը։ Այն հաշ­վար­կով, որ ԱՄՆ-ն­ աշ­խա­տում է նոր միջ­մայր­ցա­մա­քա­յին բա­լիս­տիկ հրթի­ռի ստեղծ­ման ուղ­ղութ­յամբ՝ 13 000 կմ հե­ռա­հա­րութ­յամբ եւ մի­ջու­կա­յին մար­տագլ­խի­կով: ԱՄՆ-ն նաեւ պլա­նա­վո­րում է հրթիռ­ներ տե­ղա­կա­յել Եվ­րո­պա­յում եւ Ա­սիա-խա­ղա­ղօվ­կիա­նոս­յան տա­րա­ծաշր­ջա­նում՝ Գեր­մա­նիա­յից մինչեւ Կենտ­րո­նա­կան Ռու­սաս­տան 6-7 րո­պե թռիչ­քի ժա­մա­նա­կով: ԱՄՆ-ի «Ոս­կե գմբեթ» ծրա­գի­րը նա­խա­տե­սում է ռու­սա­կան եւ չի­նա­կան հրթիռ­նե­րի ոչն­չա­ցում ինչ­պես թռիչ­քի ժա­մա­նակ, այն­պես էլ` մեկ­նար­կա­յին փու­լում: Վեր­ջա­պես, երբ ԱՄՆ-ն հ­րա­ժար­վում է մի­ջու­կա­յին փոր­ձար­կում­նե­րի ար­գել­քից, ա­պա պետք է տալ հա­մար­ժեք պա­տաս­խան: ՌԴ ԳՇ պետ Գե­րա­սի­մովն էլ իր հեր­թին զե­կու­ցեց նա­խա­գա­հին. «Ե­թե ​​մենք հի­մա գոր­ծո­ղութ­յուն­ներ չձեռ­նար­կենք, ար­ձա­գան­քե­լու ժա­մա­նա­կը կկոր­չի»։

Ա­հա այս ա­մե­նից հե­տո էլ ո­րոշ­վեց՝ Ռու­սաս­տա­նը կվե­րա­կանգ­նի մի­ջու­կա­յին փոր­ձար­կում­նե­րի պրակ­տի­կան, ե­թե ԱՄՆ-ն սկ­սի փոր­ձար­կում­ներ: 

Թ­րամ­փի ռեակ­ցիան բա­վա­կա­նին տա­րօ­րի­նակ էր: Նա հեր­թա­կան ան­գամ սկսեց խո­սել, թե ԱՄՆ-ն բո­լո­րից շատ մի­ջու­կա­յին զենք ու­նի: Ա­պա, թե. «Այլ երկր­նե­րի կող­մից ի­րա­կա­նաց­վող փոր­ձարկ­ման ծրագ­րե­րի լույ­սի ներ­քո ես հանձ­նա­րա­րել եմ Պաշտ­պա­նութ­յան նա­խա­րա­րութ­յա­նը սկսել մեր մի­ջու­կա­յին զեն­քի փոր­ձար­կում­նե­րը հա­վա­սա­րութ­յան հի­մունք­նե­րով»: Փաստն այն է, որ ո­րե­ւէ եր­կիր, սկսած 1990-ա­կան­նե­րի սկզբնե­րից, ոչ մի մի­ջու­կա­յին փոր­ձար­կում չի ի­րա­կա­նաց­րել, ու ո՞ւմ է ու­զում հա­վա­սար­վել Թ­րամ­փը: Բայց եւս մեկ շրջա­դար­ձի գնա­լով՝ սկսեց խո­սել, թե կցան­կա­նա Ռու­սաս­տա­նի եւ Չի­նաս­տա­նի հետ պայ­մա­նա­վոր­վել առ­հա­սա­րակ մի­ջու­կա­յին զեն­քը սահ­մա­նա­փա­կե­լու, ե­թե ոչ՝ վե­րաց­նե­լու մա­սին:

Այս հա­կա­սութ­յուն­նե­րի ֆո­նին, ե­րե­ւի տրա­մա­բա­նութ­յուն ու­ներ Մեդ­վե­դե­ւի գրա­ռու­մը, թե Թ­րամ­փը ե­րե­ւի ինքն էլ չի պատ­կե­րաց­նում, թե ինչ նկա­տի ու­նի՝ խո­սե­լով մի­ջու­կա­յին փոր­ձար­կում­նե­րի մա­սին: Հաշ­վի առ­նե­լով այն են­թադ­րութ­յու­նը, թե Թ­րամ­փը կա­րող է նաեւ մի­ջու­կա­յին փոր­ձար­կում­նե­րի տակ հաս­կա­նալ հրթի­ռա­յին փոր­ձար­կում­նե­րը, ինչ­պի­սիք ԱՄՆ-ն­ ի­րա­կա­նաց­նում է: Այս­պես, ԱՄՆ-ն նա­խօ­րեին

հա­ջո­ղութ­յամբ փոր­ձար­կել է Minuteman III միջ­մայր­ցա­մա­քա­յին բա­լիս­տիկ հրթի­ռը, ո­րը, ի դեպ, տպա­վո­րիչ չէ: Բանն այն է, որ խոս­քը դեռ հե­ռա­վոր՝ 1970 թվա­կա­նի հրթի­ռի մա­սին է, ո­րը թեեւ քա­նիցս մո­դեռ­նի­զաց­վել է, բայց է­լի նկա­տե­լիո­րեն հետ է մնում ոչ միայն ռու­սա­կան, այլ ար­դեն նաեւ չի­նա­կան հրթիռ­նե­րից: Ընդ ո­րում, Minuteman III-ը, որ առ­կա է միայն ոչ շար­ժա­կան տար­բե­րա­կով, մնում է Միաց­յալ Նա­հանգ­նե­րի հիմ­նա­կան կրող հրթի­ռը: Ա­վե­լի կոնկ­րետ, Minuteman III-ի վեր­ջին մո­դել­նե­րը դեռ կա­րե­լի է ռու­սա­կան «Յարս»-ե­րի հա­մար­ժե­քը հա­մա­րել, բայց դրանք բո­լորն էա­պես զի­ջում են «Ա­վան­գարդ»-նե­րով զին­ված «Սար­մատ»-ին, ո­րը, ինչ­պես նա­խօ­րեին հայ­տա­րա­րեց Պու­տի­նը, մտել է սպա­ռա­զի­նութ­յուն: Էլ չա­սած «Բու­րե­վեստ­նի­կի» եւ «Պո­սեյ­դո­նի» մա­սին: Այ­սինքն, ե­թե Թ­րամ­փը փոր­ձում է մի­ջու­կա­յին փոր­ձար­կում­նե­րի թե­մա­յով ու­ժի ցու­ցադ­րութ­յուն կազ­մա­կեր­պել, հաս­տատ ռուս­նե­րի պա­տաս­խան­նե­րը կազ­դեն նրա տրա­մադ­րութ­յան վրա:

Մ­յուս կող­մից էլ՝ նե­րա­մե­րիկ­յան վեր­ջին ի­րա­դար­ձութ­յուն­նե­րը հա­զիվ թե Թ­րամ­փին հնա­րա­վո­րութ­յուն են տա­լիս՝ գնալ մի­ջու­կա­յին սրա­ցում­նե­րին: Ն­յու Յոր­քի քա­ղա­քա­պե­տի ընտ­րութ­յուն­նե­րում գլո­բա­լիստ­նե­րի ներ­կա­յա­ցուց­չի՝ Զոհ­րան Մամ­դա­նիի հաղ­թա­նա­կը, ինչ խոսք, լուրջ մար­տահ­րա­վեր էր՝ ուղղ­ված Թ­րամ­փին: Ա­ռա­վել եւս, որ ցու­ցադ­րա­բար նրա կող­քին կանգ­նեց Ա­լեք­սանդր Սո­րո­սը՝ բա­ցա­հայտ ի ցույց դնե­լով, որ այդ հաղ­թա­նա­կում նաեւ ինք­նը մեծ ա­վանդ ու­նի: «Այս­պի­սով, սկսվեց»,- սա էր Թ­րամ­փի ա­ռա­ջին ռեակ­ցիան, ո­րը կա­րե­լի է նաեւ հաս­կա­նալ, որ խոս­քը գլո­բա­լիստ­նե­րի հետ պա­տե­րազ­մի մա­սին է: Ու այն, որ ի­րա­կա­նում Թ­րամ­փի հա­մար հենց այդ պա­տե­րազմն է հիմ­նա­կա­նը՝ գե­րա­զան­ցե­լով ան­գամ Մոսկ­վա­յի, ա­սենք նաեւ Պե­կի­նի հետ պայ­քա­րին, դա հաս­տատ է: Եվ այն, որ այդ նե­րա­մե­րիկ­յան պայ­քա­րում շատ մեծ է մնում մին­չեւ իսկ քա­ղա­քա­ցիա­կան պա­տե­րազ­մի ռիս­կը, դա եւս ըն­դու­նում են բո­լո­րը:

Թ­րամ­փի հա­մար թե­րեւս կա­րե­ւոր է, որ այդ վճռա­կան փու­լին հաս­նի Մոսկ­վա­յի եւ Պե­կի­նի հետ հա­րա­բե­րութ­յու­նն­երը կար­գա­վոր­ված վի­ճա­կում: Ի՞նչ մա­կար­դա­կում է այդ գոր­ծըն­թա­ցը, ո­րի հիմ­նա­կան մա­սը, ի­հար­կե, տե­սա­նե­լի չէ. դժվար է ա­սել: Բայց մեկ բան հաս­տատ է՝ նոր սրա­ցում­ներ դրսում Թ­րամ­փին ար­դեն հաս­տատ պետք չեն, հաշ­վի առ­նե­լով, որ ցան­կա­ցած սրա­ցում երկ­րի ներ­սում է ազ­դում նրա դիր­քե­րի վրա: Այ­սինքն, Մոսկ­վա­յի եւ Պե­կի­նի հետ լե­զու գտնե­լու հար­ցը, ըստ ա­մե­նայ­նի, հի­մա էլ ա­վե­լի է կա­րե­ւոր­վե­լու, եւ պետք է որ ա­մե­նա­մոտ ժա­մա­նակ­ներս այս­տեղ տե­ղա­շար­ժեր լի­նեն:

Այս թեմայով Կիևն արդեն երրորդ օրն է, անդադար այրվում է (Տեսանյութ) Ադրբեջանի իշխանությունները կրակի հետ են խաղում. ԻՊՀԿ-ի ռեսուրս Բիլ Գեյթսն այդպես էլ չի կարողանում մարսել Էպշտեյնի հետ իր խնջույքները Ռուսաստանը կարող է սրել իր հիբրիդային առճակատումը Եվրոպայի հետ Սաուդյան Արաբիան ստիպված է դիզելային վառելիք գնել և բենզին գնել Եվրոպայից