Արցախի նախկին ղեկավարներն այլընտրանք չունեին. ՀՀ երրորդ նախագահը փակագծեր է բացում

«Իմնեմնիմի» փոդքասթի բացառիկ թողարկման ժամանակ ՀՀ երրորդ նախագահ ՍԵՐԺ ՍԱՐԳՍՅԱՆՆ անդրադարձավ Արցախի ռազմաքաղաքական ղեկավարության գերեվարության հանգամանքին:

«Արցախի նախկին ղեկավարները, ովքեր այսօր գտնվում են Բաքվում, այլընտրանք չունեին: Երկու ելք կարող էր լինել՝ կա՛մ փախչել, գալ Հայաստան եւ դրանով իսկ իրենք իրենց վարկաբեկեին, միեւնույն ժամանակ, սրանց հնարավորություն ու շանս տային իրենց անխնա քննադատելու, ասելու` դուք ձեր ժողովրդին թողեցիք, եկաք, կա՛մ էլ գնալ ինքնազոհության։

Այդ մարդիկ ընտրեցին ինքնազոհությունը, սպասեցին այնքան՝ մինչեւ մարդկանց ճնշող մեծամասնությունը` 99.9 տոկոսն, անցան այդ անցակետով: Եվ այնտեղ տարբերակ կար, որպեսզի օդային ճանապարհով իրենց էլ էվակուացնեին, ինչպես էվակուացրեցին արդեն գործող նախագահ Սամվել Շահրամանյանին եւ մի քանի հոգու, բայց որոշ հանգամանքներ թույլ չտվեցին դա անել: Եվ ես մեծ կասկածներ ունեմ, որ այդ ցուցակում ընդգրկվել են մարդիկ, նաեւ ոչ առանց Հայաստանի միջամտության: Ինձ համար շատ տարօրինակ է, օրինակ` ինչո՞ւ ադրբեջանցիները պիտի գործող Պաշտպանության բանակի հրամանատարին թույլատրեին գալ, հասնել Հայաստան։ Իսկ այն պաշտպանության նախարարին, ով արդեն երկու տարի պաշտպանության նախարար չէր, ներառեին այդ ցուցակի մեջ։ Այդ ցուցակի մասին տեղյակ է նաեւ Սամվել Շահրամանյանը եւ կարծում եմ` կգա ժամանակն, ինքը մանրամասն ցուցակի մասին կխոսի։

Իհարկե, ինձ համար ցավ է, ցավ է ոչ միայն այն պատճառով, որ մենք տասնյակ տարիների ընկերական հարաբերություններ ունեինք, այլ որովհետե, ուղղակի, ազգային ամոթ է մեզ համար: Եվ սրանց ամեն օր «խաղաղություն» ասելը ինչ-որ հիմք կունենար, եթե այս պահին մենք այնտեղ չունենայինք հայ գերիներ։ Խոսքս ոչ միայն Արցախի ռազմաքաղաքական ղեկավարությանն է վերաբերում, այլ նաեւ մնացած հայ գերիներին։ Բա ինչո՞վ իմանանք, որ խաղաղություն է, ո՞րն է սրանց փաստարկը, որ սահմանին չեն կրակո՞ւմ: 2018 թվականի սկզբներին էլ չէին կրակում… », - հարց է բարձրացնում ՀՀ երրորդ նախագահը:

ՀՐԱՆՏ ՍԱՐԱՖՅԱՆ

Այս թեմայով Հազար նոր ավտոբուս էլ բերենք, պիկ ժամերին հնարավոր է քչություն անի. Աշոտ Սարգսյան Ի՞նչ են քննարկել «Ուժեղ Հայաստան»-ի եւ «Հայաստան»-ի ղեկավարները ՔՊ-ի կեղտոտ սպիտակեղենը փռել են արեւին Երեւանն արդեն շատ մեծ է, դրա համար չվում են Տիգրանաշեն․ ԸՆԿԵՐ ՓԱՆՋՈՒՆԻ Ռուսները նստան պոեզ, Մոսկվա գնացին, «Ուժեղ Հայաստանի» հայերը անտեր ու դուս պատերի տակ մնացին․ ԸՆԿԵՐ ՓԱՆՋՈՒՆԻ