Ո՞ր վայրերն են ամենից շատ նախընտրել 2025թ. Հայաստան այցելած զբոսաշրջիկները․ պատգամավոր

ԱԺ տնտեսական հարցերի մշտական հանձնաժողովի նախագահի տեղակալ Բաբկեն Թունյանը «Ֆեյսբուքի» իր էջում գրել է.

«Այս տարվա հունվար-հունիս ժամանակահատվածում զբոսաշրջային օպերատորների / գործակալների կողմից կազմակերպված տուրերի շրջանակում ՀՀ այցելած զբոսաշրջիկների համար ամենապահանջվածը եղել է Գառնի-Գեղարդ ուղղությունը:

Ըստ վիճակագրական կոմիտեի տվյալների, տարվա առաջին 6 ամիսների ընթացքում Գառնու տաճար և Գեղարդի վանք այցելել է 16 537 միջազգային զբոսաշրջիկ:

Երկրորդ տեղում Դիլիջանն է՝ 9 480 մարդ, երրորդ տեղում երևանյան շրջայցերն են՝ 9 174 մարդ:

Ըստ այցելության վայրերի առաջին տասնյակը ունի հետևյալ տեսքը.

1. Գառնի-Գեղարդ՝ 16 537 մարդ,

2. Դիլիջան՝ 9 480 մարդ,

3. Երևանյան շրջայցեր՝ 9 174 մարդ,

4. Սևան՝ 8 931 մարդ,

5. Էջմիածին-Զվարթնոց՝ 7 318 մարդ,

6. Խոր Վիրապ՝ 7 287 մարդ,

7. Արենի՝ 6 015 մարդ,

8. Ծաղկաձոր՝ 5 412 մարդ,

9. Նորավանք՝ 5 399 մարդ,

10. Տաթև՝ 4 664 մարդ:

Ամենից քիչ թվով զբոսաշրջային այցելություններ արձանագրել են Օշականը (806 մարդ) և Ենոքավանը (452 մարդ): Նշեմ, որ խոսքը վերաբերում է միայն տուրօպերատորների կողմից կազմակերպված այցելություններին և ներառում է տարվա առաջին կեսը:

Դատողություններ անելու համար այս ինֆորմացիան, իհարկե, բավարար չէ, բայց կարծում եմ՝ հետաքրքիր է»։

Այս թեմայով Ավելի քան 20 զբոսաշրջիկ անհետ կորած է համարվում ԱՄՆ Գրանդ Կանյոն ազգային պարկում ուժեղ ջրհեղեղի հետևանքով (Տեսանյութ) Քանի զբոսաշրջիկ է հունիսին այցելել Հայաստան. Զբոսաշրջության կոմիտեն տվյալներ է հրապարակել 2026 թվականի հունվար-մայիսին Վրաստանի զբոսաշրջությունից ստացված եկամուտները նվազել են 2.1%-ով Այս տարի փետրվարին Հայաստան շուրջ 4000-ով ավելի զբոսաշրջիկ է այցելել, քան նախորդ տարի 2025 թվականի դեկտեմբերին Հայաստան է այցելել 139933 զբոսաշրջիկ