Պատիվ ու հպարտություն է Հայաստանի հավաքականում հանդես գալը. Բանդիկյանը` հավաքական առաջին հրավերի մասին

Նոյեմբերի 13-ին Հայաստանի հավաքականը Աշխարհի առաջնության ընտրական փուլի շրջանակում տանը կխաղա Հունգարիայի հետ, իսկ նոյեմբերի 16-ին արտագնա խաղում կանցկացնի ընտրական փուլի եզրափակիչ հանդիպումը Պորտուգալիայի հետ։ Նոյեմբերի 5-ին Հայաստանի ֆուտբոլի ֆեդերացիան (ՀՖՖ) հրապարակել է նոյեմբերյան առաջիկա հանդիպումներին մասնակցող խաղացողների ցուցակը։ ԲԿՄԱ-ի ֆուտբոլիստ Արտյոմ Բանդիկյանը Metaratings.ru-ի հետ զրույցում մեկնաբանել է Հայաստանի հավաքական իր առաջին հրավերը։

«Հայաստանի հավաքականի կազմում հանդես գալն ինձ համար պատիվ է և հպարտություն։ Շատ ուրախ էի հրավերով, երկար էի սպասում դրան։ Զգացմունքները բարձրագույնն են։

Ես զրույց ունեցա գլխավոր մարզիչ Եղիշե Մելիքյանի հետ։ Ամբողջը չեմ պատմի։ Բայց նա ասաց, որ ես հրավիրվում եմ, որպեսզի ներգրավվեմ թիմի կազմում և ընկերանամ տղաների հետ։ Ես նախկինում արդեն 2-3 օր եղել եմ հավաքականի ճամբարում։ Կհասկանամ այն սկզբունքները, որոնք ինձնից պահանջվում են, և կփորձեմ օգտակար լինել Հայաստանի հավաքականին», — ասել է Բանդիկյանը։

Այս թեմայով Հայտնի են Արտյոմ Բանդիկյանի բուժզննման արդյունքները Հայաստանի հավաքականից հրավեր ստանալը երազանք էր. Բանդիկյան