Հրդեհի վայրից ոստիկանները քաղաքացու բերման ենթարկեցին

Քիչ առաջ Կոմիտաս 60/2 հասցեում գտնվող «Երևան Սիթիի» շենքում բռնկված հրդեհի վայրից ոստիկանները բերման ենթարկեցին մի երիտասարդի։ Քաղաքացիներից մեկը բացականչում էր, որ ինքն այդտեղի աշխատող է, բան չի արել, ինչի՞ են տանում։

«Մարդը մտել էր, որ փրկի մի բան, ինչի՞ եք տանում, արա»։

Ոստիկանները այս հարցադրումներին որեւէ կերպ չպատասխանեցին։

Նշենք, որ հրդեհը դեռ չի մարվել։ Շինության այդ հատվածում գտնվում են հանրային սննդի կետեր և այլ խանութներ։ Մարդկանց տարհանել են այրվող շինությունից։

Բազմաթիվ քաղաքացիներ են հավաքված այրվող շինության շրջակայքում։

Այս առնչությամբ ՆԳՆ փրկարար ծառայության տարածած հաղորդագրության մեջ ասվում է. «Նոյեմբերի 6-ին, ժամը 11։08-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Կոմիտասի պողոտայի սննդի կետերից մեկում հրդեհ է բռնկվել։ Հրդեհի բարդության «1 ԲԻՍ» կանչով դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ և մեկ ավտոսանդուղք։

Հրդեհը բռնկվել է շինության տանիքում։

Այս թեմայով Նախկին վարչապետի ընտանիքը սգում է ՀՐԱՏԱՊ. Մարդու իրավունքը ժամկետանց փաստաթուղթ չէ, երբ մարդը դադարում է հավատալ արդարադատությանը, վտանգվում է ոչ միայն նրա իրավունքը՝ այլ իրավական պետության հիմքը Լրջագույն խնդիր, որի պատասխանատուն ու կրողը քաղաքային իշխանությունն է Ուկրաինական աղբյուրները ներկայացրել են սարսափելի ավերածությունները Կիևի մոտ գտնվող ռազմամթերքի խոշոր պահեստի ոչնչացման վայրից (Ֆոտո) Նախաքննական մարմնին ուղղակի պետք էր փակի տակ պահել. Նոր մանրամասներ նախկին վարչապետի որդու գործով