Քաղաքապետարանի նոր ակցիան՝ վճարիր կրկնակի, տուն հասիր… ոտքով

Հասարակ տրոլեյբուսը, որը 50 դրամ էր, թանկացավ եւ դարձավ 150 դրամ ու նաեւ արդարության համար ասենք, որ բոլորն էլ վճարում են, եթե ձեռքները հասնում է վճարման ապարատին, բայց… Օրեր առաջ «Իրավունք»-ն ականատես եղավ, թե ինչպես է տրոլեյբուսը փչացել եւ Նոր Նորքում անհույս մնացել փողոցում կանգնած, իսկ արդեն 150 դրամ վճարած քաղաքացիները շարվեշարան, իրար հետեւից գիծ բռնած քայլելով մոտենում էին հաջորդ կանգառին, որպեսզի կրկին վճարեն 150 դրամ եւ վերջապես ճողոպրեն տուն:

Հիմա հարց Փաշինյան Նիկոլին ու Ավինյան Տիգրանին՝ այդ մարդկանց գումարներն ո՞վ է վերադարձնելու: Այսինքն՝ ստացվում է, որ տուն հասնելու համար մարդիկ ոչ թե պետք է 150 դրամ ծախսեն, այլ 300, քանի որ ամեն վայրկյան կարող է ավտոբուսը կամ տրոլեյբուսը փչանալ: Դե իսկ չվաճարելու դեպքում էլ՝ քաղաքացիները կտուգանվեն:

Սա է բարեփոխված տրանսպորտը, հարգելի 3 միլիոն տանջված վարչապետներ, եւ որքան էլ խոսենք, գրենք ու ներկայացնենք, միեւնույնն, ոչինչ չի փոխվի, քանի որ դուք մնացել եք միայնակ ձեր հոգսերի ու խնդիրների հետ:

ՆԱՆԱ ՍԱՐԳՍՅԱՆ

Այս թեմայով Երևանում վաղվանից հին տրոլեյբուսներ չեն լինի. քաղաքապետարան Թիվ 8 երթուղու վարորդին դանակահարած ուղևորը եղել է ոչ սթափ վիճակում Հերի՛ք եղավ, բո՛լ եղավ. երբ չեն վճարում, տրանսպորտը կանգնեցրեք, պահանջեք՝ կա՛մ իջնի, կա՛մ վճարի «БОЙ БЕЗ ПРАВИЛ»՝ վարորդների եւ քաղաքացիների միջեւ Երևանում բացահայտվել է տրանսպորտի՝ երթուղուց շեղվելու 125 դեպք