ՇՏԱՊ. Մեկ սխալ միացումը կարող է հանգեցնել դրամական կորուստների, անձնական տվյալների արտահոսքի

Տեղեկատվական անվտանգության հայտնի փորձագետ Արսեն Լեվոնյանը ուշագրավ հայտարարություն է արել , մասնավորապես նկատելով.

Վերջին տարիներին բազմաթիվ հասարակական վայրերում՝ սրճարաններում, այգիներում, կանգառներում, մեծ առևտրի կենտրոններում և նույնիսկ փողոցներում, կարելի է հանդիպել անվճար Wi-Fi-ի։ Շատերը ուրախությամբ միանում են նման ցանցերին՝ մտածելով, որ սա հարմար միջոց է ինտերնետին մուտք գործելու համար։ Սակայն այս «հարմարությունն» ունի մի շատ լուրջ հակառակ կողմ․ անվճար Wi-Fi-ը հաճախ դառնում է իրական կիբերանվտանգության խոչընդոտ։

Շատ դեպքերում նման ցանցերը տեղադրվում են ոչ թե մարդկանց օգնելու, այլ տվյալներին հասանելիություն ստանալու նպատակով։ Հարձակվողները կարող են ստեղծել Wi-Fi ցանցեր հայտնի անուններով կամ վստահություն առաջացնող անվանումներով, որպեսզի մարդիկ հանգիստ միանան դրանց։ Երբ օգտատերը միանում է այսպիսի ցանցի, իր սարքը կարող է դառնալ խոցելի առանց որևէ զգուշացման կամ նախազգուշացման։ Այդ պահից սկսած սարքում հայտնված ցանկացած տվյալ՝ գաղտնաբառ, բանկային քարտի տվյալ, անձնական նամակագրություն կամ սոցիալական ցանցերի մուտքային տվյալներ, կարող են դառնալ հասանելի չարագործներին։

Ավելին, որոշ դեպքերում հարձակվողները կարող են ոչ միայն տվյալներ գողանալ, այլև վերահսկել սարքը, գրանցել ձեր գործողությունները, տեսնել մուտք գործող էջերը, կամ ուղղորդել ձեզ դեպի կեղծ կայքեր՝ կարծես թե դրանք իրական են։ Մարդը համարյա չի էլ նկատում, որ արդեն վտանգված է, քանի որ ամեն ինչ արտաքինից թվում է սովորական և աննկատ։

Անվտանգության լավագույն խորհրդը պարզ է․ եթե վստահ չեք Wi-Fi ցանցի աղբյուրին և դրա օրինականությանը, ավելի լավ է չմիանալ։ Շատ ավելի ապահով է օգտագործել ձեր բջջային ինտերնետը կամ, անհրաժեշտության դեպքում, VPN ծառայություն։ Հանրային Wi-Fi-ն կարող է հարմար թվալ, բայց անվտանգությունը միշտ պետք է լինի առաջնային․ մեկ սխալ միացում կարող է հանգեցնել դրամական կորուստների, անձնական տվյալների արտահոսքի և այլ լուրջ հետևանքների։

Այս թեմայով Քաղաքացին իրավունք ունի տրանսպորտի ուղեվարձը վճարել ինչպես ընթացքի մեջ, այնպես էլ երթուղին ավարտելիս. Իրավագետը հանրային տրանսպորտում տուգանելու մասին Իլհամ Ալիևը չի մասնակցի ԱՊՀ երկրների ղեկավարների ոչ ֆորմալ հանդիպմանը Բոլորին փողով էր չափում. Ով է իրականում Վեհափառի դեմ դուրս եկած Վազգեն Միրզախանյանը Ադրբեջանական բենզինի թաքնված ականները. Մեկնաբանում են տնտեսագետները Ռուբիոն ԱՄՆ-ին մղում է դեպի Վենեսուելայի հետ ռազմական բախման. «Washington Post»