ԲՈԼՈՐԸ ՍՊԱՍՈՒՄ ԵՆ ՊՈԿՐՈՎՍԿԻ ՃԱԿԱՏԱՄԱՐՏԻ ԱՎԱՐՏԻՆ

Ա­մեն դեպ­քում, չմո­ռա­նանք հայտ­նի ի­րո­ղութ­յու­նը. թե ուր կգնա հա­րավ­կով­կաս­յան ի­րա­վի­ճա­կը (Տես նաեւ https://iravunk.com/?p=327081&l=am), շա­րու­նա­կում է մե­ծա­պես կախ­ված մնալ ուկ­րաի­նա­կան պա­տե­րազ­մից եւ դրա ա­վար­տա­կան սցե­նա­րից: Իսկ ա­հա Ուկ­րաի­նա­յում, շատ նման է, որ ըն­թա­նում է վեր­ջին խա­ղա­փու­լը:

­Ներ­կա պա­հին ուկ­րաի­նա­կան պա­տե­րազ­մը հիմ­նա­կա­նում կենտ­րո­նա­ցած է Պոկ­րովսկ-­Միր­նոգ­րադ անգ­լո­մե­րա­ցիա­յի եւ մա­սամբ՝ Խար­կո­վի մար­զի ա­ռանց­քա­յին քա­ղաք­նե­րից մե­կի՝ Կուպ­յանս­կի ուղ­ղութ­յան վրա, թեեւ ռուս­նե­րը հար­ձակ­վում են բո­լոր ճա­կատ­նե­րում, այդ թվում, ինչ­պես ուկ­րաի­նա­կան աղբ­յուր­ներն են ներ­կա­յաց­նում, մի շարք քա­ղաք-ամ­րոց­նե­րի հատ­ված­նե­րում:

­Պոկ­րովսկ-­Միր­նոգ­րա­դում զուտ ռազ­մա­կան պատ­կե­րը, գո­նե ե­րեկ­վա դրութ­յամբ, հե­տեւ­յալն էր: Ռուս­նե­րը հիմն­ա­կա­նում գրա­վել են Պոկ­րովս­կը՝ բա­ցա­ռութ­յամբ հյու­սիս-ա­րե­ւել­յան փոքր հատ­վա­ծի: Արդ­յուն­քում, գործ­նա­կա­նում փակ­ված է օ­ղա­կը անգ­լո­մե­րա­ցիա­յի շուրջ, այն է՝ Պոկ­րովս­կի ամ­բող­ջա­կան գրավ­ման դեպ­քում նաեւ Միր­նոգ­րա­դի գրա­վու­մը եր­կար չի ձգվի: Ուկ­րաի­նա­կան կող­մը դի­մել է հա­կա­հար­ձակ­ման, ո­րի նպա­տա­կով ու­ժեր ստեղ­ծե­լու հա­մար Գե­րա­գույն հրա­մա­նա­տար Սիրս­կին էլ ա­վե­լի է դա­տար­կել ճա­կա­տա­յին մյուս հատ­ված­նե­րը: Ներ­կա պա­հին անգ­լո­մե­րա­ցիա­յի հյու­սի­սա­յին հատ­վա­ծում, շրջա­պա­տու­մը ճեղ­քե­լուն միտ­ված հա­կա­հար­ձա­կու­մը դեռ շա­րու­նակ­վում է, թեեւ ռուս­նե­րը, սպա­սե­լով դրան, ակ­տի­վո­րեն «մա­ղում» են ուկ­րաի­նա­կան հար­ձակ­վող ու­ժե­րը:

­Թե այս ճա­կա­տա­մար­տը ինչ ա­վարտ կու­նե­նա, չշտա­պենք եզ­րա­կա­ցութ­յուն­ներ ա­նել, թեեւ ներ­կա պա­հին ու­ժա­յին հա­րա­բե­րութ­յունն ակն­հայ­տո­րեն ռուս­նե­րի օգ­տին է: Այս ա­մե­նին մո­տե­նանք մի փոքր այլ կող­մից:

Այն, որ, կրկնենք, ուկ­րաի­նա­կան կող­մը, ինչ­պես ան­գամ կիեւ­յան ռազ­մա­կան փոր­ձա­գետ­նե­րը, ա­սենք նաեւ ռազ­մա­կան աղբ­յուր­ներն են բա­ցա­հայտ հայ­տա­րա­րում, այս հա­կա­հար­ձակ­ման հա­մար ստիպ­ված են ե­ղել հեր­թա­կան ան­գամ ու­ժեր վերց­նել ճա­կա­տա­յին այլ հատ­ված­նե­րից, մեկ բան է նշա­նա­կում՝ ռե­զերվ­նե­րի սուր պա­կաս կա, եւ այդ բացն ուկ­րաի­նա­կան կող­մը լրաց­նե­լու ո­րե­ւէ տար­բե­րակ չու­նի: Երկ­րում, ի­հար­կե, շա­րու­նակ­վում է հիմ­նա­կա­նում բռնի մո­բի­լի­զա­ցիան, սա­կայն դա միայն ա­վե­լի է վատ­թա­րաց­նում վի­ճա­կը: Ինչ­պես նո­րից հենց ուկ­րաի­նա­կան փոր­ձա­գետ­ներն են հու­շում, բռնի մո­բի­լի­զաց­վող­նե­րի մոտ ծայրա­հեղ ցածր է ոչ միայն մար­տու­նա­կութ­յու­նը, այլ որ շատ ա­վե­լի կա­րե­ւոր է, կռվե­լու պատ­րաս­տա­կա­մութ­յու­նը: Եվ այն դեպ­քում, երբ մո­տի­վաց­ված հատ­վածն ար­դեն մեծ չա­փով շար­քից դուրս է ե­կել, ու նրանց փո­խա­րի­նել են բռնի մո­բի­լի­զաց­ված­նե­րը, թե ինչ է դառ­նում ընդ­հան­րա­կան բա­նակ հաս­կա­ցութ­յու­նը, պարզ է:

Եվ ա­հա այդ ի­րա­վի­ճա­կում ըն­թա­նում է Պոկ­րովսկ-­Միր­նոգ­րա­դի ճա­կա­տա­մար­տը, ո­րը, միան­շա­նակ, հան­գու­ցա­լու­ծու­մա­յին է դառ­նա­լու ողջ պա­տե­րազ­մի հա­մար: Այ­սինքն, ե­թե այս ճա­կա­տա­մար­տում ուկ­րաի­նա­կան կող­մը պարտ­վի՝ տա­լով հսկա­յա­կան կո­րուստ­ներ, ա­պա բա­նակ հաս­կա­ցութ­յու­նը նրա հա­մար պար­զա­պես կա­րող է օ­րա­կար­գից դուրս գալ:

Եվ այս ի­րա­վի­ճա­կը, ի­հար­կե, պարզ տես­նում են նաեւ Ա­րեւ­մուտ­քում: Ա­վե­լին, եվ­րո­պա­ցի շատ փոր­ձա­գետ­ներ, ո­րոն­ցից շա­տե­րը, ի դեպ, աչ­քի են ընկ­նում ծայ­րա­հեղ ռու­սատ­յա­ցութ­յամբ, բա­ռա­ցիո­րեն նույն կերպ են ներ­կա­յաց­նում ընդ­հան­րա­կան ի­րա­վի­ճա­կը: Իսկ եվ­րո­պա­կան քա­ղա­քա­կան դաշ­տում այս ա­մենն ար­դեն ա­ռա­ջաց­րել է մի մո­տե­ցում, ո­րը Կիե­ւի հա­մար վատ­թա­րա­գույնն է: Այն է՝ Ուկ­րաի­նա­յի ֆի­նան­սա­վո­րու­մը սկսել են հա­մա­րել փող կորց­նե­լու պես մի բան՝ ա­նի­մաստ ծախս: Միակ տար­բե­րակ էր մնա­ցել ռու­սա­կան սա­ռեց­ված փո­ղերն Ուկ­րաի­նա­յին տա­լու տար­բե­րա­կը, բայց ակն­հայ­տո­րեն դա այդ­պես էլ չի աշ­խա­տում: Այ­սինքն, Մոսկ­վան պար­զա­պես սպառ­նաց՝ կպե­տա­կա­նաց­նի Ռու­սաս­տա­նում ե­ղած ա­րեւմտ­յան բո­լոր ակ­տիվ­նե­րը, ո­րոնք հա­մար­ժեք են ռու­սա­կան սա­ռեց­ված կա­պի­տա­լին: Դա ռազ­մա­կան ի­րա­վի­ճա­կի վրա հա­զիվ թե էա­կան ազ­դե­ցութ­յուն թող­նի, բայց հան­րա­գու­մա­րում՝ տու­ժե­լու է Եվ­րո­պան:

­Կարճ ա­սած, նման է, որ բո­լորն ան­համ­բեր սպա­սում են Պոկ­րովս­կի ճա­կա­տա­մար­տի ա­վար­տին, ո­րից հե­տո թե­րեւս շատ ա­րագ օ­րա­կար­գի հիմ­նա­կան թե­մա են դարձ­նե­լու խա­ղա­ղութ­յան սցե­նա­րը: Ի­հար­կե, այս դեպ­քում էլ կա այն հար­ցը. ե­թե Ուկ­րաի­նան էա­պես կորց­նի իր պաշտ­պա­նու­նա­կութ­յու­նը, Մոսկ­վան կհա­մա­ձայն­վի՞ դա­դա­րեց­նել հար­ձա­կու­մը: Սա­կայն, ըստ ա­մե­նայ­նի, պայ­մա­նա­վոր­վե­լու տար­բե­րակ­նե­րի պա­կաս այս դեպք­ում չկա:

Այս թեմայով «Հրապարակ»․ Ինչ ճակատագր է սպասում Էդգար Ղազարյանին Պատերազմը Ուկրաինայում մոտենում է ավարտին՝ այն շարունակելու ռեսուրսների սպառման պատճառով. Ուկրաինացի տնտեսագետ «Ռուսաստանը պետք է ավարտին հասցնի հատուկ ռազմական գործողությունը, որպեսզի հետո ոչ ոք ծպտուն չհանի»․ Մեդվեդև «Փաստ». Oրենքի առաջ բոլորը հավասար են, բացի Նիկոլ Փաշինյանից ՀՐԱՏԱՊ. Մարդու իրավունքը ժամկետանց փաստաթուղթ չէ, երբ մարդը դադարում է հավատալ արդարադատությանը, վտանգվում է ոչ միայն նրա իրավունքը՝ այլ իրավական պետության հիմքը