Սա Թուրքիայի եւ Ադրբեջանի հրահանգն է, որը կատարվում է մանրակրկիտ. Դավիթ Ամալյան

Դարեր շարունակ շատ ազգեր են ցանկացել վերացնել եւ ի սպառ ջնջել Հայ Առաքելական Սուրբ եկեղեցին: Սակայն, այն կանգուն է եւ լինելու է այնքան, որքան կլինի հայը: Բայց, ցավոք, մեր օրերում ականատես ենք լինում եկեղեցու ոչնչացման, նրա սպասավորների ձերբակալումների զարհուրելի տեսարանի: Այստեղ այլեւս հարցը քաղաքական չէ եւ շատ մտավորականներ են անդրադառնում իշխանության կողմից դե ֆակտո մեկնարկած եկեղեցու դեմ արշավին՝ չկարողանալով զսպել ցասումն ու ցավը:

«Արա ա՜յ ՔՊկեք, Հովաննավանքը ձեր համար Ստյոպի բուդկեն չի, հերիք ա գնաք պղծեք…. անօրեն ձերբակալված սրբազանների վրա «կայֆավատ ըլնող»  լաթե՜ր...
Վստահ եղե՜ք, մի օր ինքներդ էք կանգնելու ահեղ մարդադատին», - իր սոցալական էջում նման գրառումներ է կատարել ՀՀ վաստակավոր արտիստ, երգիչ, երգահան ԴԱՎԻԹ ԱՄԱԼՅԱՆԸ՝ 44 օրյա պատերազմում զոհված Վարդան Ամալյանի հայրը:

Թե ո՞ւմ հրահանգն է կատարում իշխանությունը եւ ինչ նպատակ է այն հետապնդում, «Իրավունք»-ը պարզել է վաստակավոր արտիստի տեսակետը:

— Պարոն Ամալյան, ինչպե՞ս կմեկնաբանեք եկեղեցու դեմ արշավը, արդյոք սա դրսի ուժերի կողմից հրահանգ է՝ ազգը վերջնական պառակտելու, այնուհետ ինքնությունը վերջնականապես ոչնչացնելու հեռահար նպատակով:

— Ձեր հարցի երկրորդ մասը՝ առաջին մասի հստակ պատասխանն է: Ուղղակիմ դրսի ուժը նուրբ է ասված: Այստեղ բառացիորեն Թուրքիայի եւ Ադրբեջանի հրահանգներն են, որոնք կատարվում են շատ մանրակրկիտ: Դրսի ուժ ասելով՝ կարող ենք հասկանալ Արեւմուտք, Ռուսաստան, Չինաստան եւ այլն, սակայն այստեղ դրսի ուժ չէ, այլ բառացիորեն մեր թշնամիների ոչ թե առաջարկն է, այլ կոնկրետ հրահանգը:

ՆԱՆԱ ՍԱՐԳՍՅԱՆ

Այս թեմայով «Ժողովուրդ». ՔՊ նախընտրական ցուցակից հեռացված Դավիթ Դանիելյան կցել են Կապանի ընտրություններին «Ուժեղ Հայաստանի» գյումրեցի պատգամավորը խնայեց մարզպետին Նեոնացիզմի փաստաբան «կատակասեր» Սարիկը «Հրապարակ»․ Դավիթ Առուշանյանին «մատաղ կանե՞ն» 2027 թվականը ամեն ինչ կփոխի. ի՞նչ կբերի Հրե Այծի տարին և ինչի՞ պետք է պատրաստվել