Ադրբեջանի նախագահը չի ասել, որ Սևանա լճի անունը Գյոյչա է․ Փաշինյան

Նիկոլ Փաշինյանն անդրադարձավ Ադրբեջանի նախագահ Իլհամ Ալիևի երեկվա հայտարարություններին։

«Ադրբեջանի նախագահն ասել է՝ ցարական քարտեզները, եթե նայենք, Սևանա լիճ չկա, կա այլ անուն, ինչ-որ անուն, հիմա, եթե ես ասեմ, որ Ադրբեջանի նախագահը ոչ թե ասել է, որ Սևանա լճի անունը Գյոյչա է, այլ ասել է՝ «եթե նայենք ցարական Ռուսաստանի քարտեզներին՝ այնտեղ չկա Սևանա լիճ», դժվար է նրանով, որ ես, փոխանակ հարցին պատասխանեմ, պետք է պարզաբանեմ, թե ինչ է ասել Ադրբեջանի նախագահը»,- «Օրբելի ֆորում. կառուցելով խաղաղություն և բազմակողմանի համագործակցություն» խորագիրը կրող միջազգային համաժողովի ժամանակ հայտարարեց վարչապետ Նիկոլ Փաշինյանը։

Նա հարց հնչեցրեց՝ պատմական հայրենիքը ո՞ր թվից է սկսում։

«Մեր թվարկությունից առաջ 70-ականները կարո՞ղ են լինել, օրինակ, պատմական հայրենիքի մեկնակետ։ Կան ուժեր, ովքեր ասում են, որ  ամենալեգիտիմ մեկնակետը 1920 թվականն է՝ մարտից-նոյեմբեր ընկած ժամանակահատվածը, մի մասն էլ ասում է 500 տարի առաջ։ Եթե մենք գնում ենք պատմական մեկնակետի տրամաբանությամբ, հազար ներողություն,  հույս ունեմ՝ շատ լուրջ չեք ընկալի, Մոնղոլիան կարող է մեզ ասել՝ «եկեք, բան ունենք ձեզ ասելու», կարող է Իրանն ասել՝ «էս ի՞նչ եք քննարկում»»,- ասաց Փաշինյանը։

Նիկոլ Փաշինյանը Հայաստանի ու Ադրբեջանի ներկայացուցիչների միջև տեղի ունեցած «զավեշտալի մի միջադեպ» պատմեց։

«Կողմերց մեկը մյուս կողմին ասել է՝ «դու գիտե՞ս, որ մեր լեզվով զանգ նշանակում է զանգ, «կողմերից մյուսն էլ ասել է՝ «իսկ դուք գիտե՞ք, որ մեր լեզվով էլ է զանգ նշանակում զանգ», հետո պարզվել է՝ զանգը պարսկերեն է նշանակում զանգ, հիմա ո՞ւմն է պատմական ճշմարտությունը»,- նշեց վարչապետը։

Նա ասաց, թե իրենք ստեղծել են նոր պատմություն ու պետք է շարունակեն այդ պատմության ստեղծումը։

Հիշեցնենք, որ երեկ Ադրբեջանի նախագահը ի լուր ամենքի հայտարարել է, որ «․․․ Հայաստանի տարածքում գրեթե բոլոր տեղանուններն ադրբեջանական ծագում ունեն. չկա Սևանա լիճ, բայց կա Գյոյչա լիճը»։ 

Այս թեմայով Որ խելքներդ չի հասնում, ծպտուն մի հանեք․ ԲԱՄԲԱՍԱՆՔ «Իրավունք». «Որ խելքներդ չի հասնում, ծպտուն մի հանեք». Փաշինյանն օդերով է հանել նորելուկ պատգամավորներին Հայկ Սարգսյանի համար Փաշինյանի մոտ բարեխոսել ե՞ն․ ԲԱՄԲԱՍԱՆՔ Քոչարյանը՝ Փաշինյանին ձեռքով կանչելու մասին․ «էնքան ասեց՝ կոշիկդ հանելու եմ, ասեցի՝ արի, հանի» «Ձեր հագի շորերը որտեղի՞ց, եթե խորանանք, մեծ պրոբլեմ կառաջանա»․ ՏԻՄ-երին այսպես եմ ասել․ Փաշինյան