Ուկրաինայի պատերազմի ավարտի մասին ՌԴ-ն դրական է գնահատել Թրամփի հայտարարությունը

Ռուսաստանը ողջունում է ԱՄՆ նախագահի Դոնալդ Թրամփի բոլոր կառուցողական և դրական բնույթի հայտարարությունները, որոնք վերաբերում են Ուկրաինայի հակամարտության կարգավորմանը։ Այս մասին «Լենտա.ռու»-ին տված հարցազրույցում ասել է ՌԴ Դաշնության խորհրդի արտաքին գործերի կոմիտեի նախագահ Գրիգորի Կարասինը։

Նա նշել է, որ Մոսկվան պատրաստ է ոչ միայն աջակցել, այլև անմիջականորեն մասնակցել բանակցային գործընթացին՝ ընդգծելով գործնական համաձայնությունների և կողմերի պարտավորությունների կարևորությունը։ Կարասինի խոսքով՝ այդ պայմանավորվածությունները պետք է ներառեն նաև Ուկրաինան, որն իր խոսքերով՝ 2015 թվականից ի վեր ապացուցել է իր «պայմանագրային անունակությունը»։

Ավելի վաղ Թրամփը CBS հեռուստաալիքի եթերում հայտարարել էր, որ կարող է ավարտին հասցնել ուկրաինական պատերազմը ընդամենը մի քանի ամսում՝ այն անվանելով «իններորդ պատերազմ», որը պատրաստվում է դադարեցնել։ Ըստ ռուս փորձագետների՝ Թրամփը նման հայտարարություններով փորձում է պահպանել ուշադրությունը իր անձի նկատմամբ և հավակնել Նոբելյան խաղաղության մրցանակին։

Այս թեմայով Ռուսաստանը մտադիր է կաթվածահար անել Ուկրաինայի ողջ լոգիստիկան. Ուկրաինական լրատվամիջոցներ ԻՊՀԿ-ն հայտարարեց ԱՄՆ-ի REMUS 600 ստորջրյա անօդաչուի գրավման մասին (Տեսանյութ) Ուկրաինական աղբյուրները հայտնում են Կիևում շատ հզոր պայթյունի մասին «Եվրոպան խուճապի մեջ է՝ տեսնելով Ուկրաինայի մոտալուտ պարտությունը». ԿՀՎ-ի նախկին բարձրաստիճան պաշտոնյա 6 տարի առաջ այս օրը ընկան հազարավոր ՏՂԱՆԵՐ