Դնեպրոպետրովսկի ճակատում ուկրաինական պաշտպանությունը փլուզման շեմին է

Ուկրաինական ուժերի համար իրավիճակը շարունակում է ծայրահեղ ծանր մնալ նաեւ Պոկրովսկից հարավ ընկած ողջ տիրույթում: Խոսքը այն հատվածի մասին է, որտեղ միանում են Դոնեցկն ու Զապորոժեն Դնեպրոպետրովսկի մարզի հետ: Ընդ որում, այս ուղղությամբ ուկրաինական կողմի պարտության դեպքում ռուսները կարող են դուրս գալ Դնեպրոպետրովսկի մարզի խորքերը ինչպես նաեւ Զապորոծեում ուկրաինական վերագսկողության ողջ տիրույթի խորը թիկունք` Զապորոժե մարզկենտրոնի ուղղությամբ (Քարտեզ 4):

Այսպես, Գուլյայպոլեի ուղղությամբ ռուսական ուժերը, Պոլտավկա կարեւոր բնակավայրը գրավելուց հետո (Քարտեզ 1), որոշ խմբավորումից հետո վերսկսել են հարձակումը` գրավելով Պոլտավկայից արեւմուտք ընկած բավականին մեծ հատված: Հարձակումը զարգանում է դեպի Գուլյայպոլեի թիկունք, ինչպես նաեւ շրջանցելով Պոլտավկայից հյուսիս ընկած ուկրաինական պաշտպանական համակարգերը, մասնավորապես Ուսպենովկայի հատվածում, որի վրա էլ այս հատվածում հիմնված է ուկրաինական պաշտպանությունը:

Ավելի հյուսիս` Պոկրովսկոեի հատվածում (Դնեպրոպետրովսկի մարզ) ռուսական ուժերը մտել են հարթական բնակավայրերը (Քարտեզ 2): Գայ, որը գործնականում լոգիստիկ շատ մեծ կարեւորություն ունեցող Պոկրովսկոեի արվարձանն է: Ինչպես նաեւ Դանիլովկա փոքրիկ բնակավայր, որը գտնվում է Պոկրովսկոե-Գուլյայպոլե հիմնական մայրուղու վրա:

Ավելի հյուսիս Նովոպավլովկայի ուղղությունն է, որը դեպի Դնեպրոպետրովսկ տանող ուղղությամբ ուկրաինական հիմնական պաշտպանական հանգույցն է (Քարտեզ 3): Այս հատվածում, Իվանովկա բնակավայրը գրավելով, ռուսական ուժերը գործնականում արդեն դուրս են եկել Նովոպավլովկայի արեւմտյան թիկունք: Միաժամանակ ռուսները հարվածում են Իվանովկայից արեւմուտք ընկած Գավրիլովկային, որը եւս չափազանց կարեւոր պաշտպանական հանգույց է: Այստեղ միանում են ուկրաինական մի քանի պաշտպանական համակարգեր, որոնք, ի դեպ, վերջին ամրացված կետերն են: Այսինքն, Գավրիլովկան գրավելով, ռուսները դուրս կգան Դնեպրոպետրովսկի ուղղությամբ ուկրաինական ողջ պաշտպանության թիկունք:

Այս թեմայով Ուկրաինական աղբյուրները հայտնում են Կիևում շատ հզոր պայթյունի մասին Կիևում գրեթե բոլոր ուկրաինական հեռուստաալիքները փակվել են Ուկրաինական հեռուստաալիքները լուրջ խնդիրներ ունեն տվյալների կենտրոններին զանգվածային հարվածներից հետո Ռուսական տանկերը ճեղքում են պաշտպանությունը, ուկրաինական անօդաչուները չեն կարողանում խանգարել,. Լեհական աղբյուր Բանակցային գործընթացը ներկայումս բավականին արագ է առաջ շարժվել. Ուկրաինական աղբյուր