Պոկրովսկում ուկրաինական հակահարձակումը ձախողված է. քաղաքը մնում է շրջապատված (Քարտեզ)

Թեեւ Զելենսլին եւ ուկրաինական գերագույն հրամանատար Սիրսկին երեկվանից հայտարարում են, թե Պոկրովսկի հատվածում ամեն բան կարգին է, սակայն իրվիճակն իրականում բոլորովին այլ է:

Ուկրաինական կողմը փորձեց հակահարվածներ հասցնել նախ` Պոկրովսկում` Գրիշինո բնակավայրից М-30 հիմնական մայրուղու ուղղությամբ (քարտեզ 1): Ապա նաեւ Ռոդինսկոե բնակավայրի հյուսիսային հատվածում` Դոբրոպոլեի ելուստում (Քարտեզ 2):

Առաջին դեպքում, ինչպես նաեւ օպերատիվ հսկողության կադրերը հաստատեցին, ուկրաինական ԳՌՈՒ-ի հատուկ նշանակության ուժերի մասնակցությամբ հարձակումը խեղդվեց դեռ անգամ չսկսված: Հարձակվող ուժերը հայտնվեցին ռուսական անօդաչուների թիրախում եւ մեծ կորուստներ կրեցին` անգամ նախնական դիրքեր չհասած: Այս հատվածում արդեն նկատվում է ռուսները առաջխաղացում դեպի Գրիշինո:

Երկրորդ դեպքում` Դոբրոպոլեի ելուստում սա արդեն հակահարձակման երկրորդ կամ երրորդ փորձն էր: Որոշակի առաջխաղացում ուկրաինական ուժերն ունեցան, սակայն ներկա պահին շարժը կանգ է առել: Մի շարք հատվածներում ռուսական ուժերը որոշ առաջխաղացում ունեն` նախկին դիրքերը վերականգնելու ուղղությամբ:

Բուն Պոկրովսկում ռուսական ուժերը շարունակում են նոր թաղամասեր գրավել` շարունակելով «մաքրել» արդեն գրավվածները: Եվ եթե ուկրաինական հրամանատարությունն ինչ-որ արտակարգ քայլեր չկարողանա ձեռնարկե, այս ամենը երկար չի տեւի:

Այս թեմայով Տեսախցիկը ֆիքսել է լեհ–ուկրաինական «Յագոդինի» սահմանային անցակետի խոցման պահը (Տեսանյութ) Ուկրաինական անօդաչուները խոշոր նավթաբազա են խոցել Կրասնոդարի երկրամասում (Տեսանյութ) Ուկրաինական աղբյուրներ. ռուսները վերադարձել են մշտական հարվածների սխեմային. Կիեւում երկրորդ օրն է, որ հարձակումը շարունակվում է Ուկրաինական աղբյուրները հայտնում են Կիևում շատ հզոր պայթյունի մասին Կիևում գրեթե բոլոր ուկրաինական հեռուստաալիքները փակվել են