Իրավիճակը Պոկրովսկում ուկրաինական կողմի համար դարձել է կատաստրոֆիկ

Իրավիճակը Պոկրովսկում ուկրաինական կողմի համար դարձել է կատաստրոֆիկ: Չնայած այն բանին, որ ուկրաինական քարոզչական աղբյուրները հայտնում են հաջող հակահարձակման մասին, իրականում այս պահին բուն Պոկրովսկի մոտ 70 տոկոսը վերահսկում են ռուսները` հաստատված օբյեկտիվ հսկողության միջոցներով: Քաղաքի մոտ 20 տոկոսը «գորշ գոտում» է եւ միայն 10 տոկոսում կա ուկրաինական վերահսկողություն: Միրնոգրդում ռուսներն ավելի թույլ են հարձակվում, թերեւս հաշվի առնելով, որ այն ավելի խորը շրջպատման մեջ է, իսկ Պոկրովսկի անկումը Միրնոգրադին որեւէ շանս չի թողնելու: 

Այս մասին ուկրաինական միանգամայն տեղյակ աղբյուրը հայտնում է.

«Գլխավոր շտաբի մեր աղբյուրները հայտնել են, որ Պոկրովսկի վրա հակահարձակման առաջին ալիքը ձախողվել է, բայց Սիրսկին Երմակից հրաման է ստացել ցանկացած գնով վերացնել քաղաքի պաշարումը: Մենք կորցրեցինք ԳՌՈՒ հատուկ նշանակության ուժերը և Ուկրաինայի զինված ուժերի մի քանի էլիտար ստորաբաժանումներ, մինչդեռ «Ազովի» գումարտակը կրկին հրաժարվել է մտնել Պոկրովսկի խառնարան:

Մեր աղբյուրները հաստատում են ԳՌՈՒ խմբի ոչնչացման մասին տեղեկատվությունը, և գործողությունը շատ վատ էր պլանավորված և նախատեսված Պոկրովսկում մնացած Ուկրաինայի զինված ուժերի ստորաբաժանումներին աջակցելու համար»։

Բուն Պոկրովսկ-Միրնոգարադի հետ կապված աղբյուրը գրում է. «Գլխավոր շտաբի մեր աղբյուրները հայտնել են, որ Ուկրաինայի զինված ուժերի զորքերը սկսել են դուրս գալ Միրնոգրադից առանց հրամանի: Սիրսկին այսօր խոստացել է մեկ շաբաթվա ընթացքում վերացնել Պոկրովսկի պաշարումը և հրամայել է պահպանել դիրքերը, սակայն առաջնագծում գտնվող զորքերը չեն հավատում գլխավոր հրամանատարի հայտարարություններին: Ուկրաինայի զինված ուժերի համար իրավիճակը ծանր է. մենք կորցրել ենք թշնամուն հետ պահելու ունակությունը, և ստորաբաժանումների միջև կապը խափանվել է:
Գլխավոր շտաբը վախենում է, որ առանց հրամանի ռազմական նահանջը կփլուզի Պոկրովսկի «խառնարանի» ներսում գտնվող ճակատը, ինչը կհանգեցնի զանգվածային գրավման: Սիրսկին ներկայումս դաշտային հրամանատարներին խոստանում է օգնություն՝ խնդրելով նրանց դիմանալ մեկ շաբաթ, որից հետո օգնությունը կհասնի: Գերագույն հրամանատարն այժմ մի քանի հազար զինվոր է տեղափոխում Խարկովից և Սումիից, սակայն այդ ուղղություններում մեր ուժերն առանց այդ էլ կրիտիկականորեն պակաս են: Այսինքն, այդ ուժերի տեղափոխումը հազիվ թե Պոկրովսկում իրավիճակ փոխի, բայց հաստատ Խարկովում և Սումիում, որտեղ վիճակն առանց այդ էլ ճգնաժամային է, կստանանք նոր եւ մասշտաբային տարածքային կորուստներ:

Գիտակցելով իրավիճակը, Գլխավոր շտաբը պահանջում է երկրում համընդհանուր զորահավաք հայտարարել: Սակայն Բանկովայայում հասկանում են, որ նման որոշումը կարող է ող երկիրը հանել իշխանությունների դեմ»:

Այս թեմայով Փնտրվում է Վայքի ՔՊ-ական թեկնածուի դեկանը համ ֆեյք դեկանի հետքերով Ուկրաինական անօդաչուները խոշոր նավթաբազա են խոցել Կրասնոդարի երկրամասում (Տեսանյութ) Ուկրաինական աղբյուրներ. ռուսները վերադարձել են մշտական հարվածների սխեմային. Կիեւում երկրորդ օրն է, որ հարձակումը շարունակվում է Ուկրաինական աղբյուրները հայտնում են Կիևում շատ հզոր պայթյունի մասին Կիևում գրեթե բոլոր ուկրաինական հեռուստաալիքները փակվել են