«Հանուն բախման՝ Փաշինյանը պատրաստ է ամեն ինչի. քաոսի մեջ է իրեն կոմֆորտ զգում». Մենուա Սողոմոնյան

«Նիկոլ Փաշինյանը նույն ոճով է գործում. միշտ ցանկանում է, որ սադրանքներ լինեն, այդ ամենը հանգեցնի անկայունությունների, որը կբերի մարդկանց ձերբակալությունների, կալանավորումների: Նա դրա՛ համար կազմակերպեց Հովհաննավանքի այդ արկածախնդրությունը և տեսնելով, որ բարեպաշտ քրիստոնյաները չարձագանքեցին  իր սադրանքին, չգնացին Հովհաննավանք, այնտեղ բախումներ չեղան, հիմա կարող է մտնել այնտեղ, որտեղ մտնելու իրավունք չունի»,- Aysor.am-ին ասաց քաղաքագետ, «Հայաքվե» ազգային-քաղաքական միավորման անդամ Մենուա Սողոմոնյանը՝ մեկնաբանելով Փաշինյանի հայտարարությունը, թե Հովհաննավանքից հետո Մայր Աթոռ է  գնալու «աղոթելու»:

Մենուա Սողոմոնյանը չի կարծում, որ Փաշինյանը հենց վաղը Հովհաննավանքից հետո կշարժվի Մայր Աթոռ, բայց Փաշինյանի դեպքում իր համար ոչինչ բացառելի չէ.

«Հանուն բախման՝ նա պատրաստ է ամեն ինչի: Նա ուզում է, որ քաղաքացիական բախումներ լինեն, իսկ մենք  հնարավորինս պետք է այնպես անենք, որ զերծ լինենք քաղաքացիական բախումներից:

Շատ անտրամաբանական վիճակ է.  իշխանությունները միշտ ձգտում են կայունության, ձգտում են, որ բախումներ, ցնցումներ չլինեն, իսկ Փաշինյանի պարագայում լրիվ հակառակն է: Նա միշտ երկիրը տանում է բախումների, ցնցումների, քաոտիկ իրավիճակի, որովհետև իրեն քաոսի մեջ կոմֆորտ վիճակում է զգում»:

Այս թեմայով Ռուսաստանի հետ մեր հարաբերությունները անխուսափելիորեն փոխվելու են․ Փաշինյան Որ խելքներդ չի հասնում, ծպտուն մի հանեք․ ԲԱՄԲԱՍԱՆՔ «Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը Հայկ Սարգսյանի համար Փաշինյանի մոտ բարեխոսել ե՞ն․ ԲԱՄԲԱՍԱՆՔ 2022-ին 5 էր պակաս, որ կորցնեինք Հայաստանի պետականությունն ու ինքնիշխանությունը. Փաշինյան