ԶԳՈՒՇԱՑԵՔ. ՏՏ ոլորտի հայտնի մասնագետը հայտարարությամբ է հանդես եկել

ՏՏ ոլորտի հայտնի մասնագետ Արսեն Լևոնյանը «Իրավունքի» հետ զրույցում տեղեկացնում է, որ վերջին օրերին WhatsApp-ի անվտանգության շուրջ կրկին մտահոգություններ են առաջացել։ Տեխնոլոգիական մասնագետներն արդեն արձանագրել են նոր խոցելիություններ, որոնց միջոցով հնարավոր է եղել թիրախավորված օգտատերերի տվյալների նկատմամբ վերահսկողություն ստանալ։

Ըստ վերջին հրապարակումների՝ որոշ դեպքերում հնարավոր է եղել հեռակա կերպով ազդեցություն ունենալ օգտատերերի սարքերին՝ առանց նրանց գիտակցելու։ Թեև այս հարձակումները իրականացվել են հիմնականում կոնկրետ ընտրված մարդկանց նկատմամբ, փորձագետը նշում է, որ դա ևս մեկ անգամ ցույց է տալիս՝ որևէ ծրագիր 100% պաշտպանված չէ։
«Այսօր անգամ ամենահայտնի և անվտանգ թվացող հավելվածներն ունի իր թույլ կողմերը։ Մենք չենք ասում, որ WhatsApp-ը վտանգավոր է օգտագործելու համար, բայց անհրաժեշտ է լինել ավելի զգոն և ժամանակին կատարել թարմացումները» — նշում է Արսեն Լևոնյանը։

Մասնագետի պնդմամբ օգտատերերը պետք է հետևեն մի քանի պարզ կանոնի՝ իրենց տվյալները պաշտպանելու համար․
•    միշտ թարմացրեք WhatsApp-ը և հեռախոսի համակարգը,
•    չբացեք կասկածելի հղումներ ու ֆայլեր,
•    միացրեք երկփուլով պաշտպանությունը (Two-Step Verification),
•    և ուշադրություն դարձրեք, եթե սարքը սկսել է անսովոր աշխատել (դանդաղել, ինքնուրույն միացնել տեսախցիկը կամ միկրոֆոնը և այլն)։

«Տեղեկատվական անվտանգությունը միայն տեխնիկական հարց չէ։ Ամենաարդյունավետ պաշտպանությունը մեր զգոնությունն է։ Լավ է զգուշանալ, քան հետո խնդիրներ լուծել» — հավելում է Լևոնյանը։

Այս թեմայով Փաշինյանը մի շարք նոր եվ ծանր հարցերի առաջ կանգնեց Արդյո՞ք քաղաքացին կարող է խանութում ինքնուրույն գնահատել գնվող կաթնամթերքի անվտանգությունը․ Մասնագետը փաստում է՝ ոչ Եվրոպայում խուճապ է տարածվում. տասնյակ նոր ինքնաթիռներ ստանում են ռումբի մասին սպառնալիքներ Հասել ենք ծանր ճակատամարտի վերջին տղե՛րք, ժողովուրդը Ձեզ չի ների հերթական խաբեության համար․Հակոբ Ասլանյան Ստիպված ա հարստացել․ ԸՆԿԵՐ ՓԱՆՋՈՒՆԻ