4 300 միգրանտ արտաքսվելու է Ռուսաստանից

Ռուսաստանից կարտաքսվի ավելի քան 4300 օտարերկրյա քաղաքացի՝ տարբեր իրավախախտումների համար։ Այդ մասին հայտնել են Ռուսաստանի ՆԳ նախարարությունից։

«Դատարանները Ռուսաստանի Դաշնությունից օտարերկրյա քաղաքացիների վարչական վտարման վերաբերյալ կայացրել են ավելի քան 4300 որոշում»,- նշել են ՌԴ ՆԳՆ-ից։

Հայտնել են նաև, որ հունիսից հոկտեմբեր ընկած ժամանակահատվածում իրականացված ստուգումների արդյունքում օտարերկրացիների կողմից Ռուսաստանում գտնվելու կանոնները խախտելու վերաբերյալ 10 000 վարչական արձանագրություն է կազմվել, միգրանտների կողմից անօրինական աշխատանքային գործունեություն ծավալելու վերաբերյալ՝ 2 100 արձանագրություն, 1600 արձանագրություն էլ կազմվել է գործատուների կողմից օտարերկրյա քաղաքացիներին աշխատանքային գործունեության մեջ անօրինականորեն ներգրավելու համար։

748 քրեական գործ է հարուցվել, 430-ը՝ ՌԴ-ում ֆիկտիվ գրանցում կատարելու , 235-ը՝միգրացիայի ոլորտում  փաստաթղթեր կեղծելու համար։

Արդյունքում 4300 միգրանտ վտարվելու է Ռուսաստանից։

Այս թեմայով Ռուսաստանից արտաքսվել է շուրջ 100 հազար միգրանտ Մոսկվայում ոստիկանությունը խոշոր շուրջկալ է իրականացրել մետրոյում․ ձերբակալվել է մոտ 140 անօրինական միգրանտ Ռուսաստանում խստացրել են միգրանտների նկատմամբ պահանջները Մոսկվայի մարզից ավելի քան 33 հազար միգրանտ է արտաքսվել Վրաստանում փոփոխություններ են մտցվել օտարերկրացիների աշխատանքային կացության տրամադրման կարգում