ՈՍԿԻՆ ԴԱՐՁԵԼ Է ԹՐԱՄՓԻ ՀԱՄԱՐ ՀԻՄՆԱԿԱՆ ՍՊԱՌՆԱԼԻՔԸ

Եվ այս­պես, Թ­րամ­փը հեր­թա­կան «խա­ղա­ղութ­յու­նը հաս­տա­տեց»: Այս ան­գամ նա հաշ­տեց­րեց Կամ­բո­ջա­յին եւ Թաի­լան­դին: Բայց նաեւ հայ­տա­րա­րե­լով, որ իր մե­ծա­գույն ե­րա­զան­քը մնում է ռուս­նե­րին եւ ուկ­րաի­նա­ցի­նե­րին հաշ­տեց­նե­լը, նաեւ հեր­թա­կան ան­գամ ընդգ­ծե­լով, թե դա շատ մոտ է:

Այս­պե՞ս է ի­րա­կա­նում: Այն բա­նից հե­տո, երբ գլո­բա­լիստ­նե­րին հա­ջող­վեց ե­թե ոչ ձա­խո­ղել, ա­պա գո­նե հե­տաձ­գել Հուն­գա­րիա­յում սպաս­վող Պու­տին-Թ­րամփ գա­գա­թա­ժո­ղո­վը, ընդ ո­րում՝ ԱՄՆ նա­խա­գա­հի դրդե­լով Մոսկ­վա­յի դեմ պատ­ժա­մի­ջոց­նե­րի, ո­րո­շա­կի հո­ռե­տե­սութ­յան ա­ռիթ տա­լիս է, որ Ուկ­րաի­նա­յում խա­ղա­ղութ­յունն այդ­քան մոտ է: Մ­յուս կող­մից, այս օ­րե­րին լուրջ հար­ված­ներ ստա­ցան նաեւ գլո­բա­լիստ­նե­րը. աչ­քի ա­ռաջ կորց­րին Ճա­պո­նիան, Իռ­լան­դիան: Բ­րի­տա­նիա­յում, Գեր­մա­նիա­յում, Ֆ­րան­սիա­յում (եւ այդ­պես շա­րու­նակ) գլո­բա­լիստ իշ­խա­նա­վոր­նե­րի ներ­քին դիր­քե­րը հե­տե­ւո­ղա­կա­նո­րեն շա­րու­նա­կում են նվա­զել՝ հաս­նե­լով այն խայ­տա­ռա­կո­րեն ցածր մա­կար­դա­կի, որ ա­ռա­ջին իսկ հեր­թա­կան կամ ար­տա­հերթ ընտ­րութ­յուն­նե­րում իշ­խա­նութ­յու­նը պա­հելն ըն­կալ­վում է ան­հա­վա­նա­կան մի բան: Ե­ղած ողջ պո­տենց­իալն էլ այս պա­հին ուղ­ղել են Թ­րամ­փի դեմ պայ­քա­րին, եւ ակն­հայ­տո­րեն ար­դեն նաեւ ուկ­րաի­նա­կան թե­ման է ըն­կալ­վում` որ­պես դրա բա­ղադ­րիչ:

Մ­յուս կող­մից, Թ­րամ­փի հա­մար այս պա­հին շատ ա­վե­լի ա­ռաջ­նա­յին թե­մա կա, ո­րի մոտ ան­գամ ուկ­րաի­նա­կան բա­նակ­ցութ­յու­ններն են խամ­րում: Ն­րա ա­սիա­կան այս շրջայ­ցի ա­վար­տը` Հվ. Կո­րեա­յում ա­ռա­ջի­կա օ­րե­րին նա­խա­տես­ված Ա­սիա-խա­ղա­ղօվ­կիա­նոս­յան երկր­նե­րի գա­գա­թա­ժո­ղովն է, ո­րի գլխա­վոր ա­ռանց­քը, ի­հար­կե, դառ­նա­լու է Թ­րամ­փի եւ նա­խա­գահ Սիի հան­դի­պու­մը: Ինչ արդ­յունք­նե­րով այն կա­րող է ա­վարտ­վել, ի­հար­կե, շատ դժվար է կան­խա­տե­սել: Սա­կայն այս հան­դիպ­ման շե­մին ի հայտ ե­կան մե­սիջ­ներ, ո­րոնք խո­սում են, որ Թ­րամփն այդ հան­դիպ­մա­նը կնե­րկա­յա­նա թեեւ ար­դեն «ութ պա­տե­րազմ կանգ­նեց­նո­ղի», բայց ա­մե­նե­ւին էլ ոչ հաղ­թո­ղի դիր­քե­րից:

Այս­պես, ըստ մաս­նա­գի­տա­կան Investing.com-ի տե­ղե­կաց­ման, այն ագր­ե­սիվ ար­տա­քին քա­ղա­քա­կա­նութ­յու­նը, ո­րը վա­րում է Թ­րամ­փը եւ ո­րի հիմք է դարձ­րել աշ­խար­հին պատ­ժա­մի­ջոց­նե­րով սպառ­նա­լը, ար­դեն հասց­րել է բու­մե­րան­գի է­ֆեկ­տով հենց ԱՄՆ-ին հար­վա­ծել: Այն է՝ շա­րու­նակ­վում է ոս­կու հա­մաշ­խար­հա­յին գնե­րի թռիչ­քա­յին ա­ճը, որն ար­դեն իսկ շատ բա­նի մա­սին է ակ­նար­կում:

Այս­պես, ե­թե ըն­դա­մե­նը մեկ տա­րի ա­ռաջ ոս­կու մեկ ուն­ցիա­յի գնե­րը տա­տան­վում էին 2600-2700 դո­լա­րի սահ­մա­նում, ա­պա ներ­կա­յումս դրանք մի պահ գե­րա­զան­ցե­ցին ան­գամ 4400 դո­լա­րը, սա­կայն վե­րա­դառ­նա­լով եւ կա­յու­նա­նա­լով +4000 մա­կար­դա­կում: Ի­հար­կե, մինչ այս էլ՝ Բայ­դե­նի օ­րոք ոս­կու գնե­րի տե­սա­նե­լի աճ կար: Բայց այն, ինչ կա­տար­վեց այս մեկ տա­րում, այն է՝ Թ­րամ­փի ընտր­վե­լուց հե­տո, դուրս է ա­մեն մի սպա­սե­լի­քից: Մոտ 50 տո­կոս աճ, այն է՝ դո­լա­րի հա­մար­ժեք ան­կում: Ու այն, որ դո­լա­րի ինֆլ­յա­ցիան հա­մա­տա­րած չէ, դա ըն­դա­մե­նը հե­տե­ւանք է, որ այն դեռ հա­մար­վում է հա­մաշ­խար­հա­յին թիվ մեկ ար­ժույթ, ու ա­ռա­ջին հեր­թին՝ որ­պես պա­հուս­տա­յին մի­ջոց: Բայց հենց դա է, որ, ըստ հի­շա­տակ­ված մաս­նա­գի­տա­կան աղբ­յու­րի, իր հեր­թին է կտրուկ փոխ­վում:

Այս­պես, ոս­կու բա­ժի­նը հա­մաշ­խար­հա­յին ար­տար­ժույ­թի պա­հուստ­նե­րում ըն­դա­մե­նը վեր­ջին մի քա­նի ամ­սում 24%-ից ա­ճել է մինչեւ 30%, ու թե որն է այդ ա­ճի սահ­մա­նը, պատ­կե­րա­ցում չկա: Փո­խա­րե­նը, դո­լա­րի բա­ժի­նը նվա­զել է մինչեւ 40%: «Եվ սրանք միայն շու­կա­յա­կան տա­տա­նում­ներ չեն»,- ընդգ­ծում է աղբ­յու­րը: Այ­սինքն, աշ­խար­հի կենտ­րո­նա­կան բան­կե­րը, վա­խե­ցած ա­մե­րիկ­յան պատ­ժա­մի­ջոց­նե­րից, պա­կա­սորդ­նե­րից եւ­ ար­ժույթ­նե­րի տա­տա­նում­նե­րից, անն­կատ հա­մալ­րում են ի­րենց պա­հոց­նե­րը ոս­կով՝ զգա­լով մո­տե­ցող փո­թո­րի­կը եւ­ ա­պա­հո­վագ­րե­լով ի­րենց խո­ցե­լիութ­յու­նից: Մինչ­դեռ. «Ձեռքբեր­ված ձու­լակ­տո­րի յու­րա­քանչ­յուր տոն­նա քվեար­կութ­յուն է դո­լա­րի գե­րիշ­խա­նութ­յան հին կար­գի դեմ, եւ­ այդ ձայ­նե­րը կու­տակ­վում են ա­վե­լի ա­րագ, քան որ­եւէ մե­կը սպա­սում էր»:

Ո՞րն է սահ­մա­նա­գի­ծը. սա հաս­կա­նում են բո­լո­րը՝ այն պա­հը, երբ ոս­կով պա­հուստ­նե­րը կգե­րա­զան­ցեն դո­լա­րա­յի­նը: Ե՞րբ դա կա­րող է լի­նել. ե­թե վեր­ջին 3-4 ամ­սում ոս­կին դո­լա­րից «խլել» է հա­վել­յալ 6 տո­կոս, եւ նույն տեմ­պե­րը պահ­պան­վեն, ա­պա եւս այդ­քան, եւ դիր­քե­րը կհա­վա­սար­վեն: Իսկ ա­հա Deutsche Bank-ի վեր­ջին գնա­հա­տա­կան­նե­րի հա­մա­ձայն, ոս­կու հա­մար ԱՄՆ դո­լա­րին գե­րա­զան­ցե­լու եւ­ աշ­խար­հի ա­մե­նա­մեծ պա­հուս­տա­յին ակ­տի­վը դառ­նա­լու շրջա­դար­ձա­յին կե­տը մեկ ուն­ցիա­յի հա­մար մի փոքր ցածր է 5800 դո­լա­րից: Այս մա­կար­դա­կում ոս­կին եւ ԱՄՆ դո­լա­րը կկազ­մեին հա­մաշ­խար­հա­յին ընդ­հա­նուր պա­հուստ­նե­րի մո­տա­վո­րա­պես 36%-ը,  ոս­կու­նը՝ 37: Իսկ դա հա­մար­վում է միան­գա­մայն ի­րա­տե­սա­կան սցե­նար ար­դեն, ա­սենք, ա­ռա­ջի­կա կես տար­վա կտրված­քով:

Ի­րա­կա­նում կա­րե­լի է բե­րել այս ի­րո­ղութ­յան մա­սին ա­մե­նա­տար­բեր տե­սութ­յուն­ներ՝ «ոս­կին վե­րա­հաս­տա­տել է իր դե­րը որ­պես միակ ակ­տիվ», «Բ­րե­տոն Վուդ­սի գոր­ծար­քից հե­տո սե­րուն­դը աշ­խար­հը կա­ռու­ցել է վար­կի եւ վս­տա­հութ­յան վրա: Ուկ­րաի­նա­յից հե­տո աշ­խար­հը վե­րա­կա­ռու­ցում է այն՝ հիմն­վե­լով անվ­տան­գութ­յան եւ գ­րա­վի վրա», «այն, ինչ թվում է ոս­կու աճ, ի­րա­կա­նում ինք­նիշ­խա­նութ­յան վե­րագ­նա­հա­տում է» եւ այդ­պես շա­րու­նակ: Բայց ի­րա­կա­նում ա­մեն բան շատ ա­վե­լի պարզ հար­ցե­րի է բախ­վում. կորց­նե­լով իր ա­ռա­ջա­տա­րի դիր­քը եւ նոր ա­ռա­ջա­տա­րի հան­դեպ ար­ժեզրկ­վե­լով մոտ մե­կու­կես տա­րում 100 տո­կո­սից ա­վել (մեկ ուն­ցիա­յի՝ 5800 դո­լար գնի պա­րա­գա­յում), դո­լա­րը ինչ­պե՞ս է գո­յա­տե­ւե­լու, որ­քա­նո՞վ է հա­վա­նա­կան հի­պե­րինֆլ­յա­ցիան, ողջ աշ­խար­հը չի՞ նետ­վի դո­լա­րից ա­զատ­վե­լու, այդ դեպ­քում ի՞նչ է լի­նե­լու ԱՄՆ-ու եւ այդ­պես շա­րու­նակ:

Ա­հա այս հե­ռան­կար­ներն աչ­քի ա­ռաջ ու­նե­նա­լով` Թ­րամ­փի հա­մար, ըստ ա­մե­նայ­նի, կեն­սա­կան է դառ­նում Սիի հետ պայ­մա­նա­վոր­վե­լը: Բայց ի՞նչ գնով…

Այս թեմայով Թրամփի վարչակազմը սկսել է համազգային արշավ՝ չեղյալ համարելու հազարավոր մարդկանց ապաստանի հայցերը «Ժողովուրդ». Եզրաս արքեպիսկոպոսը իշխանություններչի հիմնական թիրախներից է դարձել Թաքեր Կարլսոնը ԱՄՆ փոխնախագահ Ջեյ Դի Վենսին անվանել է Դոնալդ Թրամփի հնարավոր իրավահաջորդ ՓԱՇԻՆՅԱՆՆ ԱՅԴՊԵՍ ԷԼ ԹԵՀՐԱՆԻՆ ՉԻ ՀԱՄՈԶԵԼ, ՈՐ «ԹՐԱՄՓԻ ՈՒՂԻՆ» ՎՏԱՆԳ ՉԷ Միակ հակամարտությունը, որի կարգավորմանը նպաստել Է Թրամփի վարչակազմը, եղել է Երևանի և Բաքվի միջև, որտեղ ԱՄՆ-ի ակտիվ մասնակցությունը փաստացիորեն հանգեցրել է գրեթե 40-ամյա լարվածության ավարտին.DW