ՌԴ Պետդուման շուրջտարյա զորակոչի մասին օրենք է ընդունել

Պետդուման երրորդ և վերջնական ընթերցմամբ ընդունել է օրենք, որը նախատեսում է քաղաքացիների զինվորական ծառայության զորակոչն ամբողջ օրացուցային տարվա ընթացքում՝ հունվարի 1-ից մինչև դեկտեմբերի 31-ը։

Հաստատված օրենքը նախատեսում է, որ զինկոմիսարիատները ամբողջ տարվա ընթացքում կկարողանան կազմակերպել զորակոչիկների բժշկական փորձաքննություն, անցկացնել հոգեբանական ընտրություն և զորակոչային հանձնաժողովի նիստեր։ Ծառայության վայր կուղարկեն ինչպես նախկինում՝ տարին երկու անգամ՝ ապրիլի 1-ից հուլիսի 15-ը և հոկտեմբերի 1-ից դեկտեմբերի 31-ը։

Երկրորդ ընթերցմամբ օրինագիծ են մտցվել նաև այլ փոփոխություններ։ Մասնավորապես, դրանցից մեկը ենթադրում է, որ զինկոմիսարիատների կողմից տրված էլեկտրոնային ծանուցագրերի գործողության ժամկետը կսահմանափակվի 30 օրով։ Ներկայումս էլեկտրոնային ծանուցագրերը գործում են անսահմանափակ ժամանակ՝ այսինքն զինկոմիսարիատը կարող է ներկայանալու ժամկետ նշանակել մի քանի ամիս հետո և այդ ամբողջ ընթացքում զորակոչիկը չի կարողանա մեկնել արտասահման։ 30-օրյա սահմանափակումը «կկանխարգելի տեղաշարժի ազատության չափազանց մեծ սահմանափակումը», նշել են ռազմական իրավաբանները։ Ընդ որում, նրանք ընդգծել են, որ նման սահմանափակումը «միաժամանակ ապահովում է զորակոչի օպերատիվությունը»։

Այս թեմայով ԻՊՀԿ-ն հայտարարեց ԱՄՆ-ի REMUS 600 ստորջրյա անօդաչուի գրավման մասին (Տեսանյութ) Ուկրաինական աղբյուրները հայտնում են Կիևում շատ հզոր պայթյունի մասին Ո՛չ Կառավարությունը պետք է դառնա եկեղեցական ժողով, ո՛չ Եկեղեցին՝ կառավարություն Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան Տիրադավների մասին ավելի ծանր փաստեր կան. ցավում եմ, որ այդքան ընկած եք, աղոթեք ու ապաշխարեք, որ Աստված ների ձեր մեղքերը. Տեր Զարեհ (Տեսանյութ)