Մեկնարկում են Մակրոնի կնոջ գենդերային պատկանելությունը կասկածի տակ դնելու գործով դատական լսումները

Ֆրանսիայի առաջին տիկին Բրիջիտ Մակրոնին սեքսիստական կիբերհետապնդումների ենթարկելու, նրա գենդերային պատկանելությունը կասկածի ենթարկելու գործով հոկտեմբերի 27-ին Փարիզում տասը մարդ կկանգնի դատարանի առաջ։ Ինչպես հաղորդում է «Արմենպրես»-ը, այս մասին հայտնում է France 24-ը։

Նախագահ Էմանուել Մակրոնի կինը՝ Բրիջիտ Մակրոնը դատական հայց էր ներկայացրել 2024 թվականի օգոստոսին, ինչին 2024 թվականի դեկտեմբերին ու 2025 թվականի փետրվարին հաջորդել էին հետաքննություններն ու ձերբակալությունները։

Տասը մեղադրյալները, որոնց շարքում են 41-60 տարեկան ութ տղամարդ և երկու կին, կկանգնեն Փարիզի քրեական դատարանի առաջ։ Նրանք մեղադրվում են համացանցում Ֆրանսիայի առաջին տիկնոջ գենդերային պատկանելությունը, ինչպես նաև սեռական կողմնորոշումը կասկածի տակ դնող հայտարարությունների համար։

Այդ հայտարարություններում նրանք անգամ Բրիջիտ Մակրոնի՝ ամուսնուց 24 տարի մեծ լինելը մեկնաբանել էին որպես «պեդոֆիլիա»։Մեղավոր ճանաչվելու պարագայում ձերբակալված 10 անձանց սպառնում է մինչև 2 տարվա ազատազրկում։

Այս թեմայով Ռուսական անօդաչուները ոչնչացրել է Զելենսկու կնոջ հիմնադրամի պահեստը Կիևում Որպես անհետ կորած որոնվող կնոջ դին հայտնաբերվել է Արևիկ գյուղի լճերում Ով է տարեց կնոջ սպանության մեջ մեղադրվող նախկին ոստիկանապետը եւ որտեղ է այժմ. Բացառիկ մանրամասներ ՍԱՐՍԱՓ. Սպանված կնոջ եղունգների տակ հայտնաբերվել է Սիսիանի նախկին ոստիկանապետի ժ/պ-ի մաշկի կտորները ՀՐԱՏԱՊ. Հովիկ Աբրահամյանի որդուն մեղադրում են սեփական կնոջ ենթադրյալ սիրեկանի սպանությունը պատվիրելու մեջ․ նա ձերբակալվել է