Առանց Անկարայի մասնակցության ոչ մի խոշոր hակամարտություն չի կարող լուծվել.Էրդողան

Թուրքիայի նախագահ Ռեջեփ Թայիփ Էրդողանը հայտարարել է, որ ոչ մի խոշոր հակամարտություն՝ Մերձավոր Արևելքից մինչև Ռուսաստան-Ուկրաինա դիմակայություն, չի կարող լուծվել առանց Անկարայի մասնակցության։

«Այսօր բոլորը՝ թե՛ ընկերները, թե՛ թշնամիները, ճանաչում են իրականությունը. բանակցությունների սեղանի շուրջ ուժեղ Թուրքիան է։ Նրանք պետք է ընդունեն դա։ Սիրիայից մինչև Գազա, Պարսից ծոցից մինչև Ռուսաստան-Ուկրաինա հակամարտություն՝ ոչ մի տեղ իրավիճակը չի կարող վերահավասարակշռվել առանց Թուրքիայի։ Թուրքիան վստահելի է տարածաշրջանում և ամբողջ աշխարհում. այն արտահանում է խաղաղություն և կայունություն», - ընդգծել է Էրդողանը։

Նա հավելել է, որ երկիրը դառնում է համաշխարհային տերություն իր արտաքին քաղաքականության, ժողովրդավարության, պաշտպանական արդյունաբերության և տնտեսության շնորհիվ։

«Նախկինում ասում էին, որ Թուրքիան հեռանում է Արևմտյան դաշինքից, որ նրա առանցքը տեղափոխվում է դեպի արևելք, որ Թուրքիան մի կողմ է մղվում։ Սակայն այս ամենը սխալ դուրս եկավ։ Մենք՝ նրանք, ովքեր ճիշտ կողմում էինք, ապացուցեցինք, որ ճիշտ ենք», - նշել է Էրդողանը։

Այս թեմայով Ուկրաինական անօդաչուները խոշոր նավթաբազա են խոցել Կրասնոդարի երկրամասում (Տեսանյութ) Ռուսական ուժերը Կիեւում խցել են «Ստոլիչնի» խոշոր շուկան (Տեսանյութ) Ռուսաստանը կարող է սրել իր հիբրիդային առճակատումը Եվրոպայի հետ Բրիտանիան կարող է աղետի ենթարկվել, եթե ԱՄՆ-ն արգելի դիզելային վառելիքի արտահանումը. Telegraph ՇՏԱՊ. Խոշոր հրդեհ է բռնկվել Ծիծեռնակաբերդի խճուղում գտնվող էլեկտրական ենթակայանում