ՀՀԿ ֆրակցիան ոչ մեկին չի դիմել՝ հետ վերցնելու գլխավոր դատախազի միջնորդությունը, հերիք է ստեր տարածեք. Շարմազանով

ՀՀԿ ֆրակցիան 2018-ի ապրիլի 23-ի առավոտյան Աժ-ում էր ու սպասում էր գլխավոր դատախազի կողմից հարցի զեկուցմանը, բայց նա այդպես էլ Աժ չներկայացավ, ֆեյսբուքյան իր էջում գրել է ՀՀԿ ԳՄ անդամ Էդուարդ Շարմազանովը՝ արձագանքելով այդ օրվա հետ կապված տարաբնույթ պնդումներին․

«Քանի որ բազմաթիվ զանգեր եմ ստանում մի նախկին բարձրաստիճան պաշտոնյայի (գլխավոր դատախազ) կողմից հնչեցված թեզերի պահով , հստակ ասեմ.

2018-ի ապրիլի 22-ին Նիկոլին ձերբակալելուց հետո հայտարարվեց, որ ապրիլի 23-ին ՀՀ գլխավոր դատախազ Արթուր Դավթյանը Նիկոլին և ևս մի քանի ընդդիմադիր պատգամավորի անձեռնմխելիությունից զրկելու հարցով գալու է Աժ։

Աժ նախագահ Արա Բաբլոյանը ապրիլի 22-ին գործուղման էր և վերադարձավ ՀՀ՝ ապրիլի 22-23-ի գիշերը։

ՀՀԿ ֆրակցիայում տեղի ունեցավ քննարկում, ու բոլորս սպասում էինք ապրիլի 23-ի առավոտյան ԱԺ-ում գլխավոր դատախազի այցին ու հարցի քննարկմանը։

ՀՀԿ ֆրակցիան ուներ հստակ կարծիք ՝ բավարարել գլխավոր դատախազի միջնորդությունը։

Այլ կարծիք այդ օրերին ես չեմ լսել, իսկ հնչելու դեպքում անհնար է՝ չիմանայի։

Նույնիսկ ՀՀԿ ֆրակցիայի 3-4 պատգամավոր ապրիլի 23-ի առավոտյան Եվրոպայից շտապ ժամանեցին Երևան ՝ մասնակցելու այդ կարևոր քվեարկությանը։

ՀՀԿ ֆրակցիան որևէ մեկին չի դիմել՝ հետ վերցնելու գլխավոր դատախազի միջնորդությունը։

Ապրիլի 23-ի առավոտյան ողջ ՀՀԿ ֆրակցիան ԱԺ -ում էր ու սպասում էր գլխավոր դատախազի կողմից հարցի ներկայացմանը։

Դատախազն ինքը չի ներկայացել նախատեսված ժամին Աժ , որի պատճառով էլ նշված հարցի քննարկումը տեղի չի ունեցել։

Ամոթ է, հերիք է ստեր տարածեք։

Դուք բացի ՀՀԿ-ից, ուրիշ անուն չգիտե՞ք»,- գրել է Շարմազանովը։

Այս թեմայով Նախկին ԱԽ քարտուղարը հրապարակ է նետել լկտի կեղծիք պարունակող ստեր Ապրիլյան պատերազմի մասի. Շարմազանով Ի՞նչ կլինի «թավշյա հեղափոխության արդյունքում»։ 14.11.2018. Շարմազանով ԵԱՏՄ անդամ են, բայց սիրտները ԵՄ է ուզում, իսկ ԵՄ-ում էլ մեզ սպասող չկա․ Շարմազանով Զավեշտալի է, երբ Արցախ հանձնողներին համոզում են «չդավաճանել» ՀԱՊԿ-ին ու ԵԱՏՄ -ին. Շարմազանով Արծվաշենի վերադարձի «կուտը» չի կարելի ուտել․ Շարմազանովը զգուշացնում է