ՈՒԿՐԱԻՆԱԿԱՆ ՀԱՐՑԸ ԿԼՈՒԾՎԻ ՌԱԶՄԱՃԱԿԱՏՈՒՄ

Եվս մեկ ան­գամ ընդգ­ծենք. ա­մե­նագլ­խա­վոր ին­դի­կա­տո­րը, թե դե­պի ուր են գնա­լու ի­րա­դար­ձութ­յուն­նե­րը ոչ միայն մեր տա­րա­ծաշր­ջա­նում (Տես նաեւ https://iravunk.com/?p=326115&l=am), այլ՝ ողջ աշ­խար­հում, այս պա­հին մնում է այն, թե այդ ա­մե­նից ա­ռաջ, դե­պի ուր են զար­գա­նում ռուս-ա­մե­րիկ­յան հա­րա­բե­րութ­յու­ննե­րը՝ կապ­ված ուկ­րաի­նա­կան պա­տե­րազ­մի հետ: Եվ ա­հա, այս հար­ցում տե­ղի ու­նե­ցավ հեր­թա­կան շրջա­դար­ձը՝ Թ­րամ­փի եւ Պու­տի­նի սպաս­վող բու­դա­պեշտ­յան այ­ցը չե­ղարկ­վեց: Ա­վե­լի ճիշտ, դա­տե­լով Թ­րամ­փի ճիշտ ար­տա­հայ­տութ­յու­նից, հե­տաձգ­վեց:

Չ­նա­յած ա­մե­րիկ­յան կող­մը փոր­ձեց ե­րանգ­նե­րը մեղ­մաց­նել, պետ­քար­տու­ղար Ռու­բի­նոն ան­գամ հայ­տա­րա­րեց, թե պատ­րաստ են ռուս­նե­րի հետ հան­դի­պում­նե­րի՝ ուկ­րաի­նա­կան թե­ման քննար­կե­լու հա­մար, սա­կայն այն, որ թրամփ­յան իշ­խա­նութ­յուն­նե­րը մտան ՌԴ-ի նկատ­մամբ պատ­ժա­մի­ջոց­նե­րի դաշտ, Մոսկ­վա­յին, գո­նե ա­ռա­ջին հա­յաց­քից, ակն­հայ­տո­րեն զայ­րաց­րել է: Ա­մեն դեպ­քում, դա է հու­շում Մեդ­վե­դե­ւի հեր­թա­կան աղմ­կոտ հայ­տա­րա­րութ­յու­նը. «ԱՄՆ-ն մեր հա­կա­ռա­կորդն է, եւ ն­րանց խո­սուն «խա­ղա­ղա­րա­րը» այժմ լիո­վին սկսել է Ռու­սաս­տա­նի դեմ պա­տե­րազ­մը։ Ճիշտ է, նա միշտ չէ, որ ակ­տի­վո­րեն կռվում է Բան­դե­րա­յի Կի­եւի կող­մից, բայց սա հի­մա նրա հա­կա­մար­տութ­յունն է, ոչ թե Բայ­դե­նի ... Կա­յաց­ված ո­րո­շում­նե­րը պա­տե­րազ­մի ակտ են Ռու­սաս­տա­նի դեմ։ Եվ հի­մա Թ­րամ­փը լիո­վին դաշ­նակ­ցել է խե­լա­գար Եվ­րո­պա­յի հետ»:

Ա­մեն դեպ­քում, սա առն­վազն ցու­ցադ­րա­կան ակ­նարկ է, թե Մոսկ­վան, մեծ հաշ­վով, ինչ­պես է գնա­հա­տում Թ­րամ­փի այս նոր քայ­լե­րը: Այ­սինքն, Ալ­յաս­կա­յի հան­դի­պու­մից հե­տո Թ­րամփն այն միան­շա­նակ թեզն էր ա­ռաջ տա­նում, որ ուկ­րաի­նա­կան կող­մը պետք է դուրս գա Դոն­բա­սից: Հի­մա ար­դեն, թե­րեւս Զե­լենս­կուն պար­տադ­րել չկա­րո­ղա­նա­լով, հետ է քաշ­վում այդ պայ­մա­նա­վոր­ված դիր­քից՝ ա­ռաջ տա­նե­լով ար­դեն եվ­րո­պա­ուկ­րաի­նա­կան թե­զը, թե պա­տե­րազ­մը պետք է կանգ­նեց­նել այս պա­հին ե­ղած ա­ռաջ­նագ­ծում, հե­տո սկսել պայ­մա­նա­վոր­վել: Այն դեպ­քում, երբ Մոսկ­վան այդ հար­ցի պա­տաս­խա­նը հստակ տվել է. պա­տե­րազ­մի կանգ­նեց­նելն ա­ռանց վերջ­նա­կան պայ­մա­նա­վոր­վա­ծութ­յուն­նե­րի, ըն­դա­մե­նը Կիե­ւին ու­ժե­րը վե­րա­կանգ­նե­լու հնա­րա­վո­րութ­յուն տալ է նշա­նա­կում: Ն­ման բան ար­դեն ե­ղել է, երբ Ս­տամ­բու­լում գրե­թե հա­սան պայ­մա­նագ­րի ստո­րագր­ման, եւ Կիե­ւը, շա­հե­լով ի­րեն այդ պա­հի չա­փա­զանց կա­րե­ւոր դա­դա­րը, սպա­սե­ցին, մին­չեւ ռուս­նե­րը, ըստ պայ­մա­նա­վոր­վա­ծութ­յուն­նե­րի, զոր­քե­րը հետ քա­շե­ցին Կիե­ւի մա­տույց­նե­րից, հրա­ժար­վե­ցին բո­լոր պայ­մա­նա­վոր­վա­ծութ­յուն­նե­րից: Այ, հենց այդ փաստն էր ներ­կա­յաց­վել Թ­րամ­փին եւ նրա կող­մից ըն­դուն­վել: Ու հի­մա, երբ նա հա­կա­ռակ ուղ­ղութ­յուն­ն է վերց­նում, դա ար­դեն նման կոշտ ռեակ­ցիա­յի ա­ռիթն է, ո­րը ի ցույց դրեց Մեդ­վե­դե­ւը:

­Բայց այս պատ­մութ­յու­նը նաեւ հա­կա­ռակ կողմն ու­նի. իսկ ի՞նչ կա­րող էր այս ի­րա­վի­ճա­կում ա­նել Թ­րամ­փը: Ն­րա հետ հան­դի­պու­մից հե­տո Զե­լենս­կին հեր­թա­կան ան­գամ հստակ հայ­տա­րա­րեց՝ զոր­քե­րը հետ չի քա­շի: Իսկ դա շատ պարզ տրա­մա­բա­նութ­յուն ու­նի, ո­րի մա­սին քա­նիցս նաեւ ուկ­րաի­նա­կան աղբ­յուր­ներն են բաց տե­քստով գրել. Բա­վա­կան է՝ Զե­լենս­կին հայ­տա­րա­րի Դոն­բա­սից դուրս գա­լու մա­սին, որ դառ­նա եվ­րագ­լո­բա­լիստ­նե­րի թիվ 1 թշնա­մին: Իսկ այս դեպ­քում Զե­լենս­կու կյան­քի հա­մար «քոռ կո­պեկ» ան­գամ տվող չի լի­նի: Այ­սինքն, Թ­րամ­փը կա­րող է գո­ռալ նրա վրա, ճնշել, սպառ­նալ, բայց դա բան չի փո­խում. Զե­լենս­կին սե­փա­կան լի­նել-չլի­նե­լու տե­սա­նե­լի եւ շո­շա­փե­լի հրա­մա­յա­կա­նի ա­ռաջ է կանգ­նած: Իսկ Թ­րամ­փի սպառ­նա­լիք­նե­րը, դեռ հարց է, թե որ­քա­նով են վտան­գա­վոր:

Արդ­յուն­քում, Թ­րամ­փին պար­զա­պես այլ տար­բե­րակ չէր մնում, քան Պու­տի­նի հետ հան­դիպ­ման չե­ղար­կու­մը. հան­դի­պեն, որ ի՞նչ: Չ­նա­յած, հայ­տա­րա­րե­լով այդ մա­սին, Թ­րամ­փը նաեւ մի շարք այլ, թե­րեւս խո­րը ակ­նարկ­ներ ու­նե­ցող մտքեր եւս հնչեց­րեց: Նախ, որ հան­դի­պու­մը ոչ թե չե­ղարկ­ված է, այլ՝ «Ա­պա­գա­յում կհան­դի­պենք»: Երկ­րոր­դը՝ Ուկ­րաի­նան ոչ մի դեպ­քում «Տո­մա­հավկ» հրթիռ­ներ չի ստա­նա: Զենք կտրվի միայն դրա դի­մաց ՆԱՏՕ-ի կող­մից վճա­րե­լու դեպ­քում: Վեր­ջա­պես, թե­րեւս հիմ­նա­կան­նե­րից մե­կը. «Ուկ­րաի­նա­կան հա­կա­մար­տութ­յան կող­մե­րը պետք է ամ­րապն­դեն ի­րենց ներ­կա­յիս դիր­քե­րը ռազ­մա­ճա­կա­տում եւ դա­դա­րեց­նեն ռազ­մա­կան գոր­ծո­ղութ­յուն­նե­րը»: Ինչ­պես նաեւ, որ ուկ­րաի­նա­կան հար­ցով պատ­րաստ­վում է խո­սել Սի Ց­զին­պի­նի հետ:

 Ի՞նչ է նշա­նա­կում՝ «կող­մե­րը պետք է ամ­րապն­դեն ի­րենց ներ­կա­յիս դիր­քե­րը ռազ­մա­ճա­կա­տում». սա հաս­կա­նա­լը կա­րե­ւոր է: Այս­պես, ներ­կա պա­հին ռազ­մա­ճա­կա­տում այս վի­ճակն է: Ա­մե­նա­հա­րա­վում ռուս­նե­րը ակ­տի­վո­րեն հար­ձակ­վում են Զա­պո­րո­ժիեում. հար­ված­ներն ուղղ­ված են ուկ­րաի­նա­կան պաշտ­պա­նութ­յան եր­կու հիմ­նա­կան հան­գույց­նե­րին՝ Օ­րե­խո­վո­յին եւ Գուլ­յայ­պո­լեին: Այս­տեղ «դիր­քերն ամ­րապն­դե­լու» դեպ­քում ռու­սա­կան ու­ժե­րը դուրս կգան մարզ­կենտ­րոն Զա­պո­րո­ժիե: Հա­ջոր­դում է Զա­պո­րո­ժիեի ա­րե­ւել­քի եւ Դ­նեպ­րո­պետ­րովսկ հա­րա­վա­յին-ա­րե­ւել­յան ուղ­ղութ­յու­նը, որ­տեղ նույն ի­րա­վի­ճակն է՝ ռուս­նե­րի ակ­տիվ ա­ռաջ­խա­ղա­ցում, ո­րով սպառ­նում են դուրս գալ Դ­նեպ­րո­պետ­րովս­կի մար­զի կենտ­րոն: Այ­նու­հե­տեւ Պոկ­րովս­կի ուղ­ղութ­յունն է, որ­տեղ, ինչ­պես նաեւ ուկ­րաի­նա­կան աղբ­յուր­ներն են գնա­հա­տում, ռազ­մա­ճա­կա­տը գործ­նա­կա­նում փլուզ­ված է: Իսկ այդ դեպ­քում ռուս­նե­րը սպառ­նում են դուրս գալ Դո­նեց­կի ա­րեւմտ­յան սահ­ման­ներ, ու այդ ուղ­ղութ­յամբ հար­ձա­կում է զար­գա­նում նաեւ հյու­սի­սից՝ Լի­մա­նի հատ­վա­ծից: Վեր­ջա­պես, այ­սօր-վա­ղը ռուս­նե­րը կգրա­վեն նա­ւե Խար­կո­վի մար­զի ա­ռանց­քա­յին բնա­կա­վայ­րե­րից մե­կը՝ Կուպ­յանս­կը՝ իր ողջ հա­րա­կից մե­ծա­ծա­վալ գո­տով հան­դերձ:

Այ­սինքն, ընդ­հան­րա­կան ա­ռու­մով, Թ­րամ­փի ա­սած «դիր­քերն ամ­րապն­դե­լը» կա­րող է դառ­նալ ուկ­րաի­նա­կան ճա­կատ­նե­րի փլու­զու­մը տվյալ ուղ­ղութ­յուն­նե­րի զգա­լի մա­սում՝ դո­մի­նո­յի է­ֆեկ­տով տա­րած­վե­լով հան­դերձ: Գու­մա­րած՝ Ուկ­րաի­նա­յի մոտ 70-80 տո­կո­սա­նոց է­ներ­գազր­կու­մը, լո­գիս­տիկ ու­ղի­նե­րի ոչն­չա­ցու­մը եւ այլն: Ընդ ո­րում, դա­տե­լով ուկ­րաի­նա­կան ու­ժե­րի էա­կան եւ միայն ա­ճող պա­կա­սից, Պոկ­րովս­կի անկ­ման դեպ­քում այս ա­մե­նի տեմ­պե­րը կտրուկ կա­րա­գա­նան: Մինչ­դեռ Թ­րամ­փի հայ­տա­րա­րութ­յան տո­ղա­տա­կե­րում նաեւ սա է տե­սա­նե­լի՝ ե­թե Եվ­րո­պան ի զո­րու է, թող կանգ­նեց­նի այդ ըն­թաց­քը: Այն է՝ ներ­կա պա­հին Զե­լենս­կին չի ցան­կա­նում տալ պա­հանջ­վա­ծը, ա­պա պա­տե­րազ­մի շա­րու­նակ­ման դեպ­քում ռուս­նե­րը պար­զա­պես կվերց­նեն: Իսկ թե դրա­նից հե­տո ի՞նչ կմնա ուկ­րաի­նա­կան բա­նա­կից, ներ­քին ի­րո­ղութ­յուն­ներն ինչ­քա­նո՞վ կշի­կա­նան, ար­դեն հարց է ա­ռա­ջաց­նե­լու, թե Մոսկ­վան կցան­կա­նա՞ գնալ ինչ-որ բան զի­ջե­լով՝ բա­նակ­ցե­լու:

Ն­ման է, որ հենց այս ա­մենն էլ պետք է կար­դալ Թ­րամ­փի հայ­տա­րա­րութ­յան տո­ղա­տա­կե­րում: Չ­նա­յած, մո­տա­կա օ­րե­րին սպաս­վում է նաեւ նա­խա­գահ Սիի հետ նրա հան­դի­պու­մը, ո­րը եւս կա­րող է գլո­բալ օ­րա­կար­գի վրա ազ­դող էա­կան գոր­ծոն դառ­նալ: Այ­սինքն, պետք է որ ար­դեն գա­լիք շա­բաթ­վա ըն­թաց­քում մի շարք նոր բա­ցա­հայ­տում­ներ լի­նեն:

Այս թեմայով Ուկրաինական անօդաչուները խոշոր նավթաբազա են խոցել Կրասնոդարի երկրամասում (Տեսանյութ) Ուկրաինական աղբյուրներ. ռուսները վերադարձել են մշտական հարվածների սխեմային. Կիեւում երկրորդ օրն է, որ հարձակումը շարունակվում է Ուկրաինական աղբյուրները հայտնում են Կիևում շատ հզոր պայթյունի մասին Կիևում գրեթե բոլոր ուկրաինական հեռուստաալիքները փակվել են Ուկրաինական հեռուստաալիքները լուրջ խնդիրներ ունեն տվյալների կենտրոններին զանգվածային հարվածներից հետո