Էրդողանը կառավարման ձախողման մեջ մեղադրել է ընդդիմադիր քաղաքապետարաններին

Թուրքիայի նախագահ Ռեջեփ Թայիփ Էրդողանը հայտարարել է, որ երկրի խոշորագույն քաղաքները՝ Անկարան, Բուրսան եւ Ստամբուլը, ջրի պակասի առջեւ են կանգնած, եւ իրավիճակի համար մեղադրել է ընդդիմադիր քաղաքապետարաններին։

Վերջին ընտրություններից հետո այս քաղաքների քաղաքապետարաններն անցան ընդդիմության վերահսկողության տակ։ Էրդողանը պնդել է, որ տեղի իշխանությունների անգործությունը սրել է իրավիճակը երաշտի պայմաններում։

«Երաշտը բնական երեւույթ է, բայց դրա կանխարգելման միջոցառումների բացակայությունը կառավարման ձախողում է։ Քաղաքապետարանը գովազդային վահանակների կամ սոցիալական ցանցերում լուսանկարվելու համար չէ»,- ինքնաթիռում լրագրողներին ասել է նա Պարսից ծոցում շրջագայությունից վերադառնալիս։

«Մենք մշակում ենք նախագծեր, գտնում լուծումներ եւ անընդհատ ձեռնարկում ենք համապատասխան քայլեր։ Ինչպես ասացիք, Անկարան, Բուրսան եւ Ստամբուլը ներկայում ջրի պակաս ունեն։ Բայց մենք, Աստծո օգնությամբ, մեր ժողովրդին առանց ջրի չենք թողնի»,- ընդգծել է Թուրքիայի առաջնորդը։

Այս թեմայով Աբովյան համայնքի գլխավոր ճարտարապետ Վիրաբյանին ո՞նց ստացվեց, որ «ռաստամոշկա» արեցին դեպի հիվանդանոց «Ժողովուրդ». Հովիկ Աղազարյանի գործի գլխավոր վկան փախուստի մեջ է ՍԱՐՍԱՓ. Երևանյան խանութի մրգերի ու բանջարեղենի մեջ միջատասպան նյութի հետքեր են հայտնաբերվել Երեք տարի գերության մեջ. Արայիկ Հարությունյանը, Ռուբեն Վարդանյանն ու մյուս հայերը շարունակում են ապօրինի պահվել Ադրբեջանում «Եվրոպան խուճապի մեջ է՝ տեսնելով Ուկրաինայի մոտալուտ պարտությունը». ԿՀՎ-ի նախկին բարձրաստիճան պաշտոնյա