Ռուսական ուժերը գրավել են Իվանովկան` սկսելով շրջապատել ռազմավարական նշանակության Նովոպավլովկան (Քարտեզ)

Ռուսական ուժերը շատ կարեւոր ձեռքբերում ունեն Նովոպավլովկայի (Դնեպրոպետրովսկի մարզ) ճակատում: Այսպես, ՌԴ ՊՆ-ն հայտարարեց Իվանովկա բնակավայրի ամբողջական գրավման մասին, որի կարեւորությունը հասկանալով, ուկրաինական կողմը հնարավորինից էլ շատ արեց այն պահելու համար:

Իվանովկայի կորուստն իրոք ռազմավարական նշանակություն կունենա ուկրաինական կողմի համար: Այս բնակավայրից ռուսական ուժերը արդեն իսկ սկսել են դուրս գալ Նովոպավլովկայի թիկունք, որի դեպքում այս քաղաքը կապելու որեւէ հնարավորություն ուկրաինական կողմի չի մնում: Իսկ եթե Նովոպավլովկան գրավեն, ապա դրանով ռուսները մտնում են Դնեպրոպետրովսկի մարզի խորքերը տանող օպերատիվ տիրույթ:

Ռուսները կարող են գործնականում անպաշտպան գոտով շարժվել դեպի հյուսիս` Դոնեցկի արեւմտյան սահմանի երկայնքով: Այդ դեպքում Դոնբասում ուկրաինական վերահսկողության տակ գտնվող բոլոր տարածքների պաշտպանական համակարգերը կշրջանցվեն:

Հաջորդը, Իվանովկայից ռուսները հարվածելու են հարեւանությամբ գտնվող Գավրիլովկային, որը գրավելով, ուղիղ գծով դուրս են գալիս դեպի Զապորոժեի ճակատում ուկրաինական մատակարարումների խոշոր լոգիստիկ կենտրոն դարձած Պոկրովսկոեի, ապա` Զապորոժե մարզկենտրոն տանող մայրուղի: Նաեւ հաշվի առնելով, որ Գավրիլովկայում ավարտվում են ուկրաինական պաշտպանության հինուց կառուցված համակարգերը, եւ ուկրաինական կողմն արդեն պետք է հույս դնի նորաստեղծ եւ հապճեպ կառուցվելիք դաշտային ամրությունների վրա:

Այս թեմայով Ռուսական հացահատիկով բեռնված գնացքը Ադրբեջանի տարածքով ուղևորվում է Հայաստան Երրորդ ռուսական տանկերը խոցվել է Բրիտանիայի կողմից համակարգված` ուկրաինական անօդաչի կողմից (Տեսանյութ) Բաքվի բարբարոսական վարչախմբի պարագլուխը փորձում է ցույց տալ, որ այլևս կարիք չունի Մոսկվայի «բարեհաճության»,այնուհետ՝ ուղերձ է Թուրքիային և Արևմուտքին, որ արհեստածին Ադրբեջանն այլևս դուրս է ռուսական ազդեցության ուղեծրից.իրանագետ «Բլոկադա»․ արցախյան ճակատագիրը բեմում Ադրբեջանական բենզինի թաքնված ականները. Մեկնաբանում են տնտեսագետները