Հաղթանակ️. ես ճիշտ էի, բայց կոռուպցիան բացահայտելու համար Ավինյանը փորձում է ինձ դատի տալ՝ զրպարտության մեղադրանքով. Չախոյան

Ակտիվիստ Արթուր Չախոյանը գրում է.

«Հաղթանակ️. ես ճիշտ էի։

7 օր առաջ իմ կողմից հրապարակված տեղեկության վերաբերյալ Azatutyun TV-ի հետ զրույցում Երևանի քաղաքապետարանը հաստատել է, որ, այո՛, նշված շինարարությունն իրականացվում է առանց շինարարական թույլտվության, ինչպես ես արդեն հանրայնացրել էի։

Բայց ի՞նչ ենք տեսնում։

Կոռուպցիան բացահայտելու համար Տիգրան Ավինյանը փորձում է ինձ դատի տալ՝ զրպարտության մեղադրանքով։

Ժողովո՛ւրդ, սա աբսուրդ չէ՞։ Հասկանում եք՝ ուր ենք հասել։

Կոռուպցիան բացահայտելու համար, գիշերն իմ վրա մահափորձ են անում երեք հոգով՝ դանակով, հեռախոս են գողանում, թաղապետարանում մի տասը հոգով հարձակում են գործում, իսկ հիմա, երբ հասկացան, որ նման ձևերով ինձ չեն կարող լռեցնել, փորձում են դատարանի միջոցով ինձ լռեցնել։

Սա աբսուրդային իրավիճակ է, երբ իրավախախտումը հաստատում է հենց Երևանի քաղաքապետարանը, բայց պատասխանատվություն կրում է ոչ թե իրավախախտողը, այլ ես, ով բացահայտեց կոռուպցիան։

Նման մոտեցումը, առանց չափազանցության, խաթարում է արդարադատության՝ արդեն վաղուց աղավաղված ընկալումը՝ ի վերջո, իսպառ վերացնելով ժողովրդի արդարադատության նկատմամբ վստահության հիմքը։

Նորից եմ շեշտում՝ Երևանի քաղաքապետարանն է պաշտոնապես հաստատել, որ շուկան կառուցվում է առանց շինարարական թույլտվության։

Հարց՝ Նիկոլ Փաշինյանին․

Եթե կոռուպցիա չկա, ապա ինչո՞ւ քաղաքապետարանը չի քանդում ապօրինի, առանց շինթույլտվության կառուցված շինությունը, որը գտնվում է համայնքային հողատարածքի վրա։

Սա շատ պարզ և տրամաբանական հարց է, որն ակնկալում է հստակ պատասխան։

Ինչպե՞ս է ստացվում, որ Տիգրան Ավինյանը քանդում է «բուդկա-գարաժ» տիպի շինություններ, անգամ այն դեպքում, երբ դրանց վերաբերյալ դատական գործընթացներ են, բայց այս դեպքում քաղաքապետարանը ոչինչ չի անում, չնայած՝ իրենք են հաստատել, որ շուկան ապօրինի է կառուցվել և դա՝ համայնքի հողի վրա։

Ի դեպ՝

Ես բացարձակ կողմնակից եմ, որ քաղաքապետարանը ապամոնտաժում է հին ավտոտնակները և ժանգոտած «բուդկա-մուտկաները»։ Բայց խնդիրը մի պարզ ճշմարտություն է՝ օրենքը պետք է գործի հավասարապես բոլորի նկատմամբ։ Չի կարող լինել ընտրովի մոտեցում՝ մեկինը քանդում եք, մյուսին՝ ոչ»։

Այս թեմայով Կրքերը թեժացան․ եթե այս ԱԺ-ն լեգիտիմ չէ, դահլիճում ի՞նչ գործ ունեք Լսե՛ք բոլորդ, մի անգամ եմ պատասխանում․ ինչու է Կարապետյանի թիմակիցը աչքալուսանք տվել Չախոյանին Ովքեր են ՔՊ ցուցակի առաջին 50 հոգին .ՑԱՆԿ Շանտաժի ենթարկեցին, ասեցին՝ սու՛ս մնա, հարձակվեցին վրաս, հեռախոսս գողացան, գործին ընթացք չեն տալիս Լավ, հանուն ինչի՞ էլի. ԶԱՐՄԱՆՔ