«ՄԱՍՆԱԿՑԵԼ է ՀԱԴՐՈՒԹԻ ՀԱՄԱՐ ՄՂՎԱԾ ԾԱՆՐ ՄԱՐՏԵՐԻՆ». ԱՆՄԱՀ ՀԵՐՈՍ ՀՈՒՍԻԿ ՀՈՎԱԿԻՄՅԱՆ

Հոկտեմբերի 21-ը, Ապրիլյան քառօրյա և Արցախյան 44-օրյա դաժան պատերազմների մասնակից, անմահ հերոս ՀՈՒՍԻԿ ԳՐԻԳՈՐԻ ՀՈՎԱԿԻՄՅԱՆԻ հիշատակի օրն է, ուղիղ 5 տարի է անցել։ Նրա հուշարձանին են այցելել հարազատներ, ընկերներ, համագյուղացիներ, ծաղիկներ խոնարհել ու խնկարկել։ Անմահ հերոսի քույրը ՇՈՒՇԱՆԸ, խորը ցավը սրտում Iravunk. com -ի հետ զրույցում նշեց. «Եղբայրս ծնվել է 1996 թվականին, Արարատի մարզի Բերքանուշ գյուղում։ 2014֊2016 թթ. ծառայել է Ջրականում։ Ծառայության ընթացքում մշտապես աչքի է ընկել լավագույն կողմերով, արժանացել շնորհակալագրերի, պատվոգրերի։ Հուսիկը մասնակցել է 2016֊ի Ապրիլյան քառօրյա պատերազմին, 2020֊ի 44֊օրյա պատերազմին կամավոր է մեկնել։ Սեպտեմբերի 28֊ին մեկնել է Ջրականի առաջնագիծ։ Անզիջում պայքարել է ոսոխի դեմ, մասնակցել նաև Հադրութի համար մղված ծանր մարտերին, փրկել է բազմաթիվ վիրավորների։ Հոկտեմբերի 21֊ին հերթական մարտական առաջադրանքը կատարելիս հերոսաբար զոհվել է։ Ցավը մնում է ցավ ու երբեք էլ չի սպիանում, երբեք չենք կարող համակերպվել այս դառը իրականության հետ»։ Հուսիկ Հովսեփյանի շիրիմը հանգչում է «Եռաբլուր» զինվորական պանթեոնում։ Պետական սահմանը պաշտպանելիս ցուցաբերած անձնական արիության և խիզախության համար ՀՀ նախագահի հրամանագրով պարգևատրվել է «Մարտական ծառայության», իսկ ԱՆ նախագահի հրամանագրով հետմահու «Արիության համար» մեդալներով։

ՈՉ ՈՔ ՉԻ ՄՈՌԱՑՎԵԼ, ՈՉԻՆՉ ՉԻ ՄՈՌԱՑՎԵԼ, ՀԱՎԵՐԺ ՓԱՌՔ ՔԵԶ, ԱՆՄԱՀ ՀԵՐՈՍ...

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան CNN. ԱՄՆ-ն քիչ էր մնացել, որ պատերազմ սկսեր Չինաստանի հետ ՆԱՏՕ-ն պատրաստվում է պատերազմ սկսել Ռուսաստանի հետ 2029թ.-ին. ՌԴ ԱԳՆ Եթե Ռուսաստանի և Եվրոպայի միջև պատերազմ սկսվի, ապա այն կլինի միջուկային. Լավրով ԱՄՆ–ին կհաջողվի՞ իրանում քաղաքացիական պատերազմ հրահրել