Ուկրաինական ԳՇ-ում քննարկել են ռազմաճակատում ստեղծված կրիտիկական իրավիճակը. եզրակացությունները մռալ են. Ուկրաինական աղբյուր

Ուկրաինական աղբյուրը գրում է.

«Գլխավոր շտաբի աղբյուրների համաձայն, խորհրդակցություն է անցկացվել՝ քննարկելու ռազմաճակատում ստեղծված կրիտիկական իրավիճակը և դրա հետևանքները Ուկրաինայի զինված ուժերի համար: Դաշտային հրամանատարները պահանջել են, որ Սիրսկին փոխի մարտավարությունը և դադարեցնի Պոկրովսկի մսաղացում պահեստազորն «այրելը», հակառակ դեպքում մինչև տարեվերջ մենք կկորցնենք Կուպյանսկը/Լիմանը/Սևերսկը/Կոնստանտինովկան և Գուլյաիպոլեն: Զինվորականները կարծում են, որ Պոկրովսկի «խառնարանը» վերածվել է երկրորդ Բախմուտի, որի ժամանակ Ուկրաինայի զինված ուժերը կորցրել են իրենց լավագույն ստորաբաժանումները, և իրավիճակը կրկնվում է»:

Իհարկե, ուկրաինական կողմի այս մտավախությունները տեղին են: Բակց մեկ թերությամբ: Անկախ նրանից, որ Սիրսկին Պոկրովսկ է նետում ուկրաինական ամենամարտունակ ստորաբաժանումները եւ արդեն հսացրել է դրանք «մաղել», ռուսները շարունակում են այս ճակատում հարձակվել: Այս պահին արդեն Պոկրովսկ-Միրնոգրադ անգլոմերացիան օպերատիվ շրջապատման մեջ է, եւ դրա կորուստը հեռու չէ: Բայց եթե այս պահին էլ Սիրսկին հանձնի Պոկրովսկը, չի կարող ուժերն այլ ուղղություններ տեղափոխել: Ռուսները պարզապես Պոկրովսկը կգրավեն եւ կշարունակեն հարձակվել դեպի Դոբրոպոլե, ապա` Սլավյանսկ-Կրամատորսկ անգլոմերացիա, եւ այս անգամ Սիրսկին բոլոր ուժերը պետք է նետի այդ հարձակումը կանգնեցնելու` էլի դատարկելով մյուս հատվածները:

Այսինքն, ուկրաինական բանակի հիմնական խնդիրն այն չէ, թե զորքերը որ մի թեժ կետն են նետում: Այլ այն, որ զորքերը միանգամայն անբավարար են բոլոր նման թեժ կետերը պահելու համար: Ստիպված այստեղից այնտեղ են նետում, եւ մի տեղ դանդաղեցնելով ռուսների հարձակումը, մեկ այլ տեղ հեշտացնում են:

Այս թեմայով Ուկրաինական աղբյուրները հայտնում են Կիևում շատ հզոր պայթյունի մասին Կիևում գրեթե բոլոր ուկրաինական հեռուստաալիքները փակվել են Ուկրաինական հեռուստաալիքները լուրջ խնդիրներ ունեն տվյալների կենտրոններին զանգվածային հարվածներից հետո Ռուսական տանկերը ճեղքում են պաշտպանությունը, ուկրաինական անօդաչուները չեն կարողանում խանգարել,. Լեհական աղբյուր Բանակցային գործընթացը ներկայումս բավականին արագ է առաջ շարժվել. Ուկրաինական աղբյուր