«Ուժեղ Հայաստանը Ռուսաստանի հետ.հանուն նոր Միության» շարժումը հրատապ հայտարարությամբ է հանդես եկել

«Ուժեղ Հայաստան Ռուսաստանի հետ. հանուն նոր Միության» շարժումը խստիվ դատապարտում է ս.թ. հոկտեմբերի 20-ին վաղ առավոտից Գյումրիի քաղաքապետարանում քաղաքապետ Վարդան Ղուկասյանի հանդեպ իրականացվող ակնհայտ ապօրինի գործողությունները՝ համարելով սա բացահայտ բռնապետական դրսեւորում ընդդիմադիր հայացքներ ունեցող քաղաքապետի հանդեպ: Կատարվածը Փաշինյանի խունտայի հաշվեհարդարի քաղաքականության շարունակությունն է, որ Նիկոլը կիրառում է անխտիր բոլոր ընդդիմադիր տեղական ինքնակառվարման մարմինների ղեկավարների դեմ: Ըստ էության Հայաստանի Հանրապետությունում չի գործում տեղական ինքնակառավարման համակարգը, որը հաստատված է ՀՀ սահմանադրությամբ:

Միաժամանակ  Վարդան Ղուկասյանի դեմ իրականացվող  խայտառակ  բռնապետական գործողությունները համարում ենք որպես ապօրինի վարչախմբի  վայրագ արձագանք Գյումրու քաղաքապետի ՀՀ արտաքին քաղաքականության վերաբերյալ արտահայտած  տեսակետների հանդեպ, որտեղ  Վ. Ղուկասյանը  ամբողջությամբ հիմնավորված հանդես է գալիս Ռուսաստան-Բելառուս միութենական պետության մեջ Հայաստանի որպես լիիրավ ու հավասար անդամ ներգրավվելու օգտին: Սա եւս մեկ հարված միտված հայ-ռուսական  հարաբերություններին։

Շարժումը լիովին իր աջակցությունն ու սատարումն է հայտնում է ակնհայտ բռնաճնշումների ենթարկվող համայնքապետին։

Շարժման գործադիր կոմիտեի եւ խորհրդի անունից, Շարժման համակարգող Հայկ Բաբուխանյան

Այս թեմայով Բրիտանիայում բնակչությանը կոչ են անում պատրաստվել Ռուսաստանի հետ հնարավոր պատերազմին ՇՏԱՊ․ Արմավիր ՔԿՀ-ի բանտախցում կտրուկ վատացել է Արթուր Վարդանյանի առողջական վիճակը կտրուկ վատացել է Գեւորգ Սուջյանը նորություն ունի Օպերային երգիչներին ու Կապելլային՝ չնչին գումարներ, տաշ-տմբլ երգողներին՝ բազմապատիկ ավել․ Սուքիասյան Ի՞նչ են քննարկել «Ուժեղ Հայաստան»-ի եւ «Հայաստան»-ի ղեկավարները