Գործող իշխանությունն անկարող է կառավարել վաշինգտոնյան պայմանավորվածություններում առկա ռիսկերը

Ես չեմ կարծում, թե  այսօր ապրում ենք գալիք խաղաղության պայմանների մեջ. ամբողջ հարցն այն է, որ Ադրբեջանն առանց այն էլ  ստանում է այն, ինչ ուզում է Հայաստանից՝ առանց որևէ զոհի, ինչը, համապատասխանաբար զրկում է Բաքվին նոր պատերազմ հրահրելու որևէ իմաստից։ Նմանատիպ կարծիք հայտնեց «Նոեւ կովչեգին» ՀՀ Ազգային ժողովի անկախ պատգամավոր Հովիկ Աղազարյանը։

 «Թուրք-ադրբեջանական տանդեմը, իհարկե, ձգտում է խաղաղության։ Ամբողջ հարցն այն է, որ  խաղաղության մասին նրանց մոդելի և պատկերացումների համաձայն մեր տարածաշրջանում պարզապես չպետք է լինի հայկական պետականություն։ Իսկ հայերը կարող են լինել կամ չլինել. սա արդեն երկրորդական նշանակության հարց է։ Եվ ահա այստեղ այս մոդելը հակասության մեջ է մտնում հայկական մոդելի հետ, որտեղ բոլորը պարզապես պետք է ապրեն խաղաղության մեջ»,- կարծում է նա։

Հայաստան-Ադրբեջան վաշինգտոնյան խաղաղության համաձայնագրի նախաստորագրումը ընդհանուր առմամբ գնահատելով որպես նոր պատերազմ կանխելու քայլ՝ պատգամավորն ընդգծեց, որ դրա հեռանկարները կախված են այս փաստաթղթի իրականացման ընթացքից և ուղղությունից։

Եվ եթե, օրինակ, խաղաղության հաջորդ քայլը դառնա «ադրբեջանցի փախստականների հայրենիք վերադարձը», և միայն դրանից հետո հնարավոր լինի խաղաղության համաձայնագրի ստորագրումը, ապա, ըստ Աղազարյանի, դա կլինի թուրք-ադրբեջանական խաղաղության մոդելի իրականացում։

Պատգամավորը Հայաստանի սահմանադրությունը փոխելու Բաքվի պահանջները համարում է գոյություն ունեցող բոլոր մարտահրավերներից ամենաանմեղը։ Իսկ նման մարտահրավերները բազմաթիվ են։ Եվ իրադարձությունների ընթացքն էլ ինքնին թելադրում է այս բոլոր պահանջների կատարումը, քանի որ մի պահանջը կատարելով՝ մյուսի չկատարելն  անհնար է դառնում։

 «Այսպես թե այնպես, բայց մինչև 2026 թվականի խորհրդարանական ընտրությունները ես անձամբ խաղաղության ստորագրմանը չեմ սպասում. այդ դեպքում ի՞նչ կխոստանա Փաշինյանը ընտրողներին, եթե ոչ խաղաղություն։ Ենթադրում եմ, որ շատ շուտով կբացահայտվեն վաշինգտոնյան պայմանավորվածությունների բոլոր թերությունները, ինչը թույլ կտա հասարակությանը ճիշտ եզրակացությունների հանգել ընտրություններում։ Գործող իշխանությունը պարզապես անկարող է կառավարել այս փաստաթղթերում պարունակվող ռիսկերը, իսկ դա մեզ համար հղի է մեծ սպառնալիքներով»,- ամփոփեց Աղազարյանը։

Կարեն Միրզոյան

Այս թեմայով Փաշինյանի «դիվերսիֆիկացման» քաղաքականությունը Ալեքսանդրապոլի պայմանագիր 2 է «Գունավոր հեղափոխությունները»՝ հիբրիդային զենք Ֆաշիզմի ​​քարոզչությունը Հայաստանում անընդունելի է Արցախցի պատանի նկարչուհի Եվա Դանիելյան. «Միևնույն է, ես նկարելու եմ» Ֆուտբոլի պաշտոնյաների ոչ ֆուտբոլային կրքերը