ԵԱՀԿ նախագահը Թբիլիսիում տուգանվել է ճանապարհի «անօրինական փակման» համար

ԵԱՀԿ գործող նախագահ, Ֆինլանդիայի արտգործնախարար Էլինա Վալտոնենին Վրաստանում տուգանել են ճանապարհի «անօրինական փակման» համար, հաղորդում է Ekhokavkaza-ն: Վալտոնենին տուգանել են մայրաքաղաք Թբիլիսիի Ռուսթավելի պողոտայում տեղի ունեցած բողոքի ակցիային մասնակցելու համար, տուգանքի չափը կազմել է 5000 լարի՝ մոտ 1600 եվրո։ Էլինա Վալտոնենը Վրաստան էր ժամանել հոկտեմբերի 14-ին՝ տարածաշրջանային շրջագայության շրջանակում։

Նույն օրը նա նախ հանդիպել էր Վրաստանի արտգործնախարար Մակա Բոչորիշվիլիի հետ՝ արտահայտելով իր մտահոգությունը իշխող «Վրացական երազանք» կուսակցության քաղաքական ընդդիմախոսների և ակտիվիստների ձերբակալությունների կապակցությամբ, ապա այցելել էր Թբիլիսիում անցկացվող հանրահավաք և զրուցել բողոքի մասնակիցների հետ։ Վրաստանի 64 շրջաններում, այդ թվում՝ 5 քաղաքներում, հոկտեմբերի 4-ին տեղի էին ունեցել քաղաքապետերի և տեղական խորհրդատվական մարմինների՝ սակրեբուլոյի անդամների ընտրություններ, որոնց հաջորդել էին ցույցեր:

Դրանք վերածվել էին բախումների ոստիկանության հետ: Վրաստանի ՆԳՆ-ի տվյալներով՝ Օրբելիանիի նախագահական նստավայրի բախումների հետևանքով հոսպիտալացվել էին 21 ոստիկան և 6 ցուցարար։

Այս թեմայով Չէ՞, հա, իրո՞ք. Գեւորգ Սուջյանի պատասխանը Ալիեւին Ինչ նոտարական փաստաթուղթ է իրականում ստորագրել Հարությունյանը Բաքվի բանտում ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել ՇՏԱՊ․ Արմավիր ՔԿՀ-ի բանտախցում կտրուկ վատացել է Արթուր Վարդանյանի առողջական վիճակը կտրուկ վատացել է ՇՏԱՊ. ՀՀ նախագահ անճանաչելիորեն փոխվել է. ՖՈՏՈ