Նպարեղենից բռնած մինչեւ ձեթ ու ալյուր, տնտեսական ապրանքներ, պահածոններ. Արցախցիները հայրենիքում ՌԴ-ի օգունության հույսին են գոյատեւում

Նիկոլ Փաշինյանը ոչ միայն որոշել է Արցախի էջը փակել, այլեւ արցախցիների սոցիալական խնդիրները լուծելու ցանկություն չունի: Ամիսներ առաջ դադարեցվել էր սոցիալական աջակցության ծրագիրը՝ տասնյակ-հարյուրավոր արցախցիների, բառի բուն իմաստով, թողնելով փողոցում՝ զրկելով բնակարանի վարձը վճարելու գումարներից,-այսպես սկսվեց մեր զրույցը` Արցախից բռնի տեղահանված 62-ամյա` Զաբելա Ավագյանի հետ, ով բնակություն է հաստատել Շիրակի մարզում: 

Տիկինը Արցախից Հայաստան էր տեղափոխվել 80 եւ 90-ամյա ծնողների, որոնց հերթով կորցրեց, զրկված լինելով գերեզմաները բարեկարգելու մինիմալ հնարավորություններից: Զաբելան եւս շատ ու շատ արցախցիների նման մտադրություն ունի լքել հայրենիքը եւ բնակություն հաստատել ՌԴ-ում.

-Վերջին ամիսներին արցախցիները հատկապես տղամարդիկ զանգվածաբար գնում են Ռուսաստան եւ կամավորագրվում ռուս-ուկրաինական պատերազմին մասնակցելու համար ձեւավորված կամավորական ջոկատներին, մասնավորապես՝ Արբատին, որտեղ պայմանագրային զինծառայողներին բավականին բարձր աշխատավարձեր են վճարում: Պատերազմի մասնակիցներին եւ նրանց ընտանիքների անդամներին նաեւ արագացված կարգով ՌԴ քաղաքացիություն են շնորհում։

Ես էլ միայնակ եմ մնացել, ու ապրելու` օրվա հացի խնդրի հետ եմ բախվում: Հայաստանում էլ ռուսները մեր մասին, ինչպես որ Արցախում, ավելի շատ էին մտահոգվում, քան մեր երկրի վարչապետը: Մենք հազիվ տան վարձն ենք հաացնում տալ, իսկ սննդի հետ կապված ողջ ամսվա ապրուստը ստանում ենք ՌԴ-ից ուղարկված օգնությունից: Ամսական մի մեծ պակետ օգնություն ենք ստանում` նպարեղենից բռնած մինչեւ ձեթ ու ալյուր, տնտեսական ապրանքներ, պահածոններ: Նույնը Արցախում էր բլոկադայի շրջանում:

Այս թեմայով Ռուսաստանի հետ մեր հարաբերությունները անխուսափելիորեն փոխվելու են․ Փաշինյան Եվրաայլանդшկները հասկանում են միայն կոպիտ ուժը. Մեդվեդև Բրիտանիայում բնակչությանը կոչ են անում պատրաստվել Ռուսաստանի հետ հնարավոր պատերազմին Գեւորգ Սուջյանը նորություն ունի Հորոսկոպ սեպտեմբերի 19-ի համար. անկեղծ զրույց՝ Խոյերին, անհաջողություն՝ Առյուծներին