Սուրբ քաղաքում քաղաքապետի աթոռին հավակնում է մեկը, ով պատրաստ է Փաշինյանի հետ ասպատակել եկեղեցու դեմ. Զարմանք

Եթե մինչ այս «Հանրապետություն» կուսակցությանն ընդդիմադիր կամ իշխանությանն այլընտրանք համարելն աբսուրդ էր, ապա այժմ մեղք է: Վաղարշապատի ՏԻՄ ընտրություններում «Հանրապետություն» կուսակցության կողմից առաջադրված ավագանու թեկնածու քաղաքագետ ՀԱՐՈՒԹՅՈՒՆ ՄԿՐՏՉՅԱՆԸ, անդրադառնալով Նիկոլ Փաշինյանի կողմից անոնսավորած Վեհարանի դեմ երթին՝ ասել է. «Քարոզարշավից կվերցնեմ թայմաութ եւ կմիանամ Փաշինյանի երթին դեպի Վեհարան»: Պատկերացնո՞ւմ եք Սուրբ քաղաքում քաղաքապետի կամ ավագանու աթոռին հավակնում է մեկը, ով պատրաստ է Փաշինյանի հետ ասպատակել եկեղեցու դեմ: Այդ ինչպե՞ս հասկանանք՝ քարոզարշավը մի կողմ թողած, ավագանու թեկնածուն որոշել է մասնակցել գործող իշխանության կողմից հրահրված՝ ուղիղ եկեղեցու դեմ ուղղված երթի՞ն։ Եվ սա ներկայացվում է որպես «քաղաքացիական դիրքորոշո՞ւմ», թեպետ ակնհայտ է՝ սա ոչ թե քաղաքացիականություն է, այլ՝ սրբապղծությանն ամոթալի հովանավորում։ Եվս մի մանրուք, որը դժվար է անտեսել. այն մարդը, ով հավակնում է քաղաքի կառավարման լծակներին, առաջին իսկ հնարավորության դեպքում քարոզարշավը թողնում է՝ հանուն իշխանական փիառ ակցիայի։ Սա՞ է ընդդիմադիր ուժի տեսլականը տեղական ինքնակառավարման համակարգում։ Ո՞ւմ շահերն է սպասարկում նման պահվածքը՝ Վաղարշապատի բնակիչների՞, թե՞ գործադիր իշխանության։

Դիտարկմանը, որ ընդդիմադիր դաշտում քննադատվեց ՀՀ երկրորդ նախագահ Ռոբերտ Քոչարյանի այն հայտարարությունը, որ առաջիկա ընտրություններում խորհրդարան անցնելու ռեալ շանս ունեն հենց «Հայաստան» դաշինքն ու գործարար Սամվել Կարապետյանի կողմից ձեւավորվող «Մեր ձեւով» քաղաքական նախաձեռնությունը, ԱԺ «Հայաստան» խմբակցության պատգամավոր ԱՂՎԱՆ ՎԱՐԴԱՆՅԱՆԸ տվել է ուշագրավ պատասխան. «Ովքե՞ր են այդ ընդդիմադիրները, եթե կա քաղաքական ուժ, որը նեղվել է եւ կարծում է, որ ինքը այսօր ավելի բարձր ռեյտինգ ունի, քան այս երկու ուժերը, թող խոսի, անուններ տվեք, օդի մեջ խոսելով որեւէ բան չի լինի»։ Փաստորեն, այ էս կարգի է ընկեր Աղվանը կտրվել իրականությունից: Ի դեպ, թերեւս այստեղ տեղին է անդրադառնալ ԱԺ նախկին պատգամավոր, քաղաքագետ Միհրան Հակոբյանի` օրերս բարձրաձայնած նկատառմանը. «Ընդդիմադիր «հին» ուժերը քաղաքական պարտքերի մեջ խրված են: Նրանցից որոշները քաղաքական սնանկներ են, որովհետև ժողովրդից վստահության մեծ վարկ են վերցրել ու մսխել՝ օրինակ 2021-ին: Այս օրերին քաղաքականապես սնանկ «հին» ուժերը ամեն գնով փորձում են իրենց անունը կապել նոր ծագող ուժերի հետ: Օրինակ՝ «Մեր ձեւով»-ի հետ: Այդ առումով նույնիսկ սոցհարցումներ են հորինում, ըստ որոնց` իրենք առաջատար են»:

Իսկ ահա ՀՀ էկոնոմիկայի նախարար ԳԵՎՈՐԳ ՊԱՊՈՅԱՆԸ ողջունում է թուրքական ներդրումները Հայաստանում: «Ես ողջունում եմ այդ ներդրումները, քանի որ ցանկացած խաղաղություն հարեւանների միջեւ պետք է ամրապնդվի ֆինանսական ներդրումներով, եթե մենք ուզում ենք կայուն խաղաղություն տարածաշրջանում։ Նորմալ եմ համարում, որ ՀՀ-ում խաղաղության հաստատման պարագայում, սահմանները բացվելուց հետո ներդրումներ գան, այդ թվում՝ նաեւ թուրքական, իսկ մենք էլ այնտեղ ներդրում անենք»,- նշել է նա: Այո՛, դուք ճիշտ կարդացիք։ Հենց այդպես էլ ասում է՝ առանց ամաչելու, առանց մի վայրկյան կանգ առնելու՝ հիշելու, թե ով է թափել հայի արյունը, ում ձեռքով են ջարդվել Արցախի քաղաքները, ում բայրաքթարներն են թափվել մեր զինվորների գլխին։ Մի՞թե սա է պետության տնտեսական ռազմավարությունը։ Մի՞թե ժողովուրդը թողնելու է, որ իր հիշողությունը վաճառվի՝ կիլոգրամներով։

 ԶԱՐՄԱՑԱԾ Է «ԻՐԱՎՈՒՆՔ»-Ը

Այս թեմայով Հայաստանը խժռում է իր զավակներին. Պետերբուրգում Փաշինյանի հետ հանդիպումն ընթացել է գերլարված ՀՀ դատախազությունը Գևորգ Կոստանյանին հանձնելու միջնորդություն է ներկայացրել ՌԴ դատախազություն ՇՏԱՊ. «ԴՕԿ» կուսակցության շտաբի պետ, հայտնի փաստաբան Լեվոն Բաղդասարյանը բացառիկ հայտարարությամբ է հանդես եկել «Ա՛յ պիղծ, Գևորգ սրբազան ես, ինչ ես, բա դո՛ւ, Բենթլի՞դ ուր ա»․ տիրադավերը փախան ժողովրդի ցասումից (Video) Գերագույն հոգևոր խորհրդից հեռացվել են Նավասարդ արքեպիսկոպոս Կճոյանը, Գևորգ եպիսկոպոս Սարոյան և Վազգեն արքեպիսկոպոս Միզախանյանը