«Էջմիածնում շուտով ժողով կլինի, կարծիքս կհայտնեմ այնտեղ»․ Վայոց ձորի թեմի առաջնորդ

Վայոց ձորի թեմի առաջնորդ Տ. Աբրահամ արքեպիսկոպոս Մկրտչյանը, Euromedia24-ի հետ զրույցում անդրադառնալով եկեղեցու դեմ իրականացվող գործողություններին, նշեց, որ չի շտապում հրապարակային մեկնաբանություններով հանդես գալ, քանի դեռ թեման չի քննարկվել եկեղեցու ներսում։

«Կարծում եմ՝ շուտով Էջմիածնում կլինի ժողով, և այնտեղ էլ կտրվեն գնահատականներ։ Ես նախընտրում եմ իմ տեսակետը հայտնել ժողովին, ոչ թե հանրային հայտարարություններ անել․ դա ճիշտ չէ», – ասաց Սրբազանը։

Արքեպիսկոպոսը հավելեց, որ ժողովական որոշումներից հետո հնարավոր է լինեն նաև արձագանքներ։ «Այս պահին չեմ կարող ասել, թե եկեղեցին ինչ քայլեր կամ ինչպիսի գործողություններ կձեռնարկի։ Դա պետք է որոշվի ընդհանուր քննարկումից հետո», – նշեց նա։

Այն հարցին, թե արդյոք վախենում է իշխանություններից, Տ. Աբրահամ արքեպիսկոպոս Մկրտչյանը պատասխանեց․ «Չէ, ինչ ունեմ վախենալու»։

Այս թեմայով Վազգեն եպիսկոպոս Միրզախանյանը վերջին հարցազրույցներից մեկում շնությունը (պոռնկությունն) անվանել է բնական մեղք Միքայել Սրբազանին դեռ չեն վիրահատել «Ժողովուրդ». Արցախի թեմի առաջնորդի դեմ խռովություն է առաջացրել անգամ սեփական տան պատերի ներսում Չեչնիայի առաջնորդ Ռամզան Կադիրովը դժգոհ է Վրաստանից Արցախցիները նամակով դիմել են Վեհափառին՝ խնդրելով քննարկել Արցախի թեմի առաջնորդին փոխելու հարցը