Երևանում փրկարարները լուսային կայաններից մեկի վրա բարձրացած տղամարդուն համոզում են, որ ցած իջնի

Այսօր՝ հոկտեմբերի 14-ին, արտակարգ դեպք է տեղի ունեցել Երևանում: Ժամը 10:40-ի սահմաններում ՀՀ ներքին գործերի նախարարության փրկարար ծառայության «9-11» ճգնաժամային կառավարման ազգային կենտրոն ահազանգ է ստացվել, որ մի քաղաքացի բարձրացել է «Հրազդան» մարզադաշտի տարածքում լուսային կայաններից մեկի ամենավերևի հատված և սպառնում է ինքնասպան լինել: Ինչպես դեպքի վայրից հայտնում է ֆոտոլրագրող Գագիկ Շամշյանը, ժամանել են Երևանի թիվ 1 հրշեջ-փրկարարական ջոկատից 1 մարտական հաշվարկ:

Ահազանգով ժամանել են նաև ՀՀ ՆԳՆ ոստիկանության պարեկային ծառայության Երևան քաղաքի գնդի 4-րդ գումարտակի 2-րդ վաշտի պարեկները՝ գումարտակի հրամանատար Արսեն Ստեփանյանի, վաշտի հրամանատար Վլադիմիր Դերձյանի գլխավորությամբ: Տեղում հերթապահություն է իրականացնում նաև Երևանի 1-03 շտապօգնության բժիշկների հերթապահ խումբը:

Ֆոտոլրագրողը հայտնում է, որ մոտ 3 ժամից ավելի է՝ ոստիկաններն ու փրկարարները՝ Խ. Բարխոյանի գլխավորությամբ, բնակացություններ են վարում այդ քաղաքացու հետ, որպեսզի նա հրաժարվի այդ ծայրահեղ քայլին դիմելուց և իջնի: Մինչ այժմ նա հրաժարվում է իջնել:

Այս պահին դեռ շարունակվում են նրա հետ բանակցություններ վարել: Այս պահին համայնքային ոստիկանները պարզում են այդ տղամարդու ինքնությունը: Ֆոտոլրագրողի տեղեկություններով՝ նա Գեղարքունիքի մարզի բնակիչ է։

Այս թեմայով Փրկարարներն ինչի՞ էին մտել Արագածոտնի թեմի առաջնորդարան․ փոխնախարար Ցուցուլյանը հրաժարվեց պատասխանել ՇՏԱՊ.«Բոլգարկա» մտցրեցին առաջնորդարան Ինչ վարկածներ են շրջանառվում եղբայրների ինքնասպանության գործով Սևանա լճում ջրային պшրեկները չկшրողացան փրկել 16-ամյա երիտասարդի կյшնքը «Խոսրովի անտառ»-ում փրկարար ծառայությունն իրականացնում է հրդեհաշիջման աշխատանքներ․ ՆԳՆ ՓԾ