Բելգիայի թագուհի Մաթիլդան այցով գտնվում է Հայաստանում (տեսանյութ)

Բելգիայի Թագուհի Մաթիլդան աշխատանքային այցով Հայաստանում է՝ որպես ՄԱԿ-ի Կայուն զարգացման նպատակների պաշտպան։ 

«Այս այցը հնարավորություն կընձեռի ընդգծել Կայուն զարգացման 2030 օրակարգի կարևորությունը և ուղիղ երկխոսություն հաստատելու հայ հասարակության բազմաթիվ դերակատարների հետ, որոնք ներգրավված են նորարարության, սոցիալական ներառման, առողջապահության, կրթության և շրջակա միջավայրի պահպանության ոլորտներում։

Թագուհին այցի շրջանակներում հանդիպումներ կունենա ուսանողների հետ, կքննարկի կայուն զարգացման ուղղությամբ գործնական նախաձեռնությունների վերաբերյալ նրանց տեսլականը: Նախատեսված է այց  «ԹՈՒՄՈ» ստեղծարար տեխնոլոգիաների կենտրոն:

Թագուհու ծրագրի առանցքային կետերից կլինեն բնապահպանական հարցերը, որոնց շրջանակում նա կայցելի Գեղարքունի մարզ, Սևանա լճի տարածք, ինչը կարևորվում է հատկապես 2026 թվականին Կենսաբազմազանության COP-17 համաժողովը հյուրընկալելու Հայաստանի պատրաստակամության համատեքստում։ 

Թագուհին կծանոթանա “Forest Armenia”-ի կողմից իրականացվող անտառապատման նախագծին, որը միտված է կանխել անապատացման վտանգը և մեղմել կլիմայի փոփոխության բացասական հետևանքները։  

Նախատեսված է նաև այց մանկապարտեզ, որը մասնագիտացված է հատուկ կրթական կարիքներ ունեցող երեխաների աջակցման գործում։ 

Թագուհին Հայաստանում կքննարկի նաև փախստականների տնտեսական և սոցիալական ներառման հետ կապված հարցեր։  

Թագուհին կունենա բարձր մակարդակի հանդիպումներ Հայաստանի իշխանությունների հետ՝ քննարկելու երկրի առաջնահերթությունները Կայուն զարգացման նպատակների իրագործման և 2030 թվականի տեսլականի շրջանակներում առկա մարտահրավերների վերաբերյալ»,– ավելի վաղ հայտնել էր Բելգիայի թագավորական պալատի մամուլի ծառայությունը։ 

https://www.facebook.com/reel/827379956339167

Այս թեմայով Արեւմուտքը Զելենսկուն դրել է փաստի առաջ` կա´մ «Անգլիայի թագուհի» կա´մ` Մայդան. Կիևյան քաղտոխնոլոգ «Ժողովուրդը սա՛ է ուզում իրականում՝ ոչ թե՝ «Արա՜, վայ-վա՜յ․․․» Ուկրաինացիներն արյունով մեզ համար ժամանակ են գնում. Բելգիայի գլխավոր շտաբի պետ ԵՄ-ն պետք է բանակցություններ սկսի Ռուսաստանի հետ. Բելգիայի վարչապետ Ովքեր են ՔՊ ցուցակի առաջին 50 հոգին .ՑԱՆԿ