Ռուսական ուժերը, Դոբրոպոլեի ճակատում մտել են ռազմավարական նշանակություն ստացած Շախովո բնակավայր (Քարտեզ)

Ռուսական ուժերը, Դոբրոպոլեի ելուստի արեւելյան հատվածում մտել են ռազմավարական նշանակություն ստացած Շախովո բնակավայր: Որոշ աղբյուրների պնդմամբ, բնակավայրը հիմնականում ռուսների վերահսկողության տակ է:

Շախովոն առանձնահատուկ նշանակություն ստացավ Դոբրոպոլեի հատվածում ռուսական ճեղքման առաջին իսկ օրերից: Բանն այն է, որ ճեղքման գոտում ռուսական ուժերի կանոնավոր մատակարարումների հիմնական ուղիներն անցնում են հենց այդ բնակավայրով: Դա վերահսկելու եւ լոգիստիկան կարգավորելու դեպքում ռուսները, սպասվում է, որ կկարողանան վերջնականապես դուրս գալ Դոբրոպոլե-Կրամատորսկ մայրուղի եւ զարգացնել գարձակումը դեպի Սլավյանսկ-Կրամատորսկ անգլոմերացիայի արեւմտյան հատված: Իսկ դրա հաջողությունը կնշանակի, որ ողջ Դոնբասն անցնում է ռուսական վերահսկողության տակ:

Հետեւեց ուկրաինական հակահարձակումը, որտեղ, հասկանալով վտանգը, կուտակվել էր մոտ 100 հազարանոց զորք, այդ թվում` ուկրաինական գրոհային լավագույն միավորումների մոտ կեսը` ստրատեգիական ռեզերվները եւ ճակատային մյուս հատվածները դատարկելու հաշվին: Սակայն ուկրաինական կողմին չհաջողվեց հիմքից կտրել Դոբրոպոլեի ելուստը:

Եւ ահա երեկ, ռուսները նախ` կարողացան ելուստի արեւմտյան թեւում գրեթե վերականգնել այն դիրքերը, որոնք ունեին մինչ ուկրաինական հակահարձակումը (Քարտեզ 2)` դուրս գալով Բելեցկոե բնակավայրի մատույցներ: Արեւելյան թեւում էլ, ինչպես նշեցինք, Շոխովոյում են:

Սա նախ նշանակում է, որ ուկրաինական հակահարձակումը կարելի է վերջնականապես ձախողված համարել: Այն կորուստները, որոնք ուկրաինական կողմը կրեց այս «մսաղացում», դեռ իրեն շատ է զգացնել տալու, եթե չդառնա ճակատագրական:

Հաջորդը, ռուսները ստանում են (որոշ աղբյուրների պնդմամբ` արդեն ստացել են) Շախովոյի լոգիստիկ ուղիները, որոնք կակտիվացնեն ինչպես Դոբրոպոլեին, այնպես էլ` Սլավյանսկ-Կրամատորսկ անգլոմերացիայի ուղղությամբ հարձակումը:

Այս թեմայով Ռուսական ուժերը Կիեւում խցել են «Ստոլիչնի» խոշոր շուկան (Տեսանյութ) ՔՊ-ն առաջատար է Մարց բնակավայրում Ռուսական հարվածից հետո Կիևում փլուզվել Սլավուտիչի «Հարավային» կամուրջը ՌԴ ՊՆ․ ռուսական ուժերը վերահսկողության տակ են վերցրել Խրիպունին Օդեսայում ռուսական հրթիռայի անօդաչուները ոչնչացրել են «Itex» գործարանը (Տեսանյութ)