Պետք է աշխատենք գոլային պահերն օգտագործելու ուղղությամբ. Մելիքյան

 Հունգարիայի թիմի դեմ աշխարհի 2026 թվականի առաջնության եվրոպական գոտու ընտրական մրցաշարի F խմբի երրորդ տուրի շրջանակներում Հայաստանի ազգային հավաքականը արտագնա խաղում 2:0 հաշվով պարտվեց Հունգարիայի թիմին։

Հայաստանի ազգային հավաքականի գլխավոր մարզիչ Եղիշե Մելիքյանն ամփոփեց խաղը.

«Կարող էինք միավոր վաստակել, բայց մեր հնարավորությունները չօգտագործեցինք: Շատ եմ ափսոսում: Շատ գոլային պահեր ունեինք: Չեմ կարող ասել, որ մրցակիցն արժանի չէր հաղթանակի, շնորհավորում եմ նրանց: Պետք է շուտ մոռանանք այս պարտությունը և պատրաստվենք Իռլանդիայի հավաքականի դեմ խաղին:

Եթե պարտվել ենք, ուրեմն խնդիրներ կան, կփորձենք լուծել: Կարևորը` մեզ մոտ շատ բան ստացվում էր` պաշտպանվել, լավ գրոհել: Կաշխատենք խնդիրները լուծել:

Չունենք թիմում մաքուր «9» համար, որը կարող է գոլեր խփել: Պետք է աշխատենք գոլային պահերն օգտագործելու ուղղությամբ:

Դրական եմ համարում մեր հավաքականում տիրող մթնոլորտը, միասնականությունը, մեր երկրպագուների աջակցությունը, նրանք այսօր շատ էին ստադիոնում: Հաջորդ խաղի համար պետք է հենվել այս կարևոր հանգամանքների վրա»:

Այս թեմայով «Ժողովուրդ». Գլխավոր մարզիչ Եղիշե Մելիքյանի մայբախը խոշոր վթարի կենտրոնում. վարույթ կա Ես հավատում եմ պրոֆեսոր Էդիկ Մինասյանի անմեղությանը․ Մելիքյան Ես հավատում եմ պրոֆեսոր Էդիկ Մինասյանի անմեղությանը․ Մելիքյան «Գայլն ու գառը» տրամաբանությամբ ՔՊ-ի հետ հարաբերվելը միշտ հանգեցնում է «գառան խաշլամայի»․ Մելիքյան Եկեղեցամարտության խարան․ Տեր Վահրամ ավագ քահանա Մելիքյան