Վարդան Ղուկասյանը մասնակցելու է խորհրդարանական ընտրություններին. հայտարարություն

«Վարդան Ղուկասյանը և ԴՕԿ կուսակցությունը հավատարիմ են մնում իրենց սկզբունքներին՝ շարունակելով պայքարը արդարության, օրենքի գերակայության և ժողովրդի շահերի պաշտպանության համար։

 

ԴՕԿ կուսակցությունը մտնում է քաղաքական պայքարի նոր փուլ՝ առաջնորդվելով համոզմամբ, որ Հայաստանի ապագան հնարավոր է կառուցել միայն արդարության, ազնվության և ազգային համերաշխության հիմքի վրա։

 

Այս որոշմամբ կուսակցությունը վերահաստատում է իր հանձնառությունը՝ կանգնելու յուրաքանչյուր այն քաղաքացու կողքին, ով հավատում է արդար ընտրությունների, պատասխանատու իշխանության և արժանապատիվ պետության գաղափարին։

 

ԴՕԿ կուսակցությունը կոչ է անում բոլորին միանալ արդարության շարժմանը և համատեղ քայլերով ձևավորել մի Հայաստան, որտեղ արդարությունը ոչ թե խոսք է, այլ իրականություն», - ասված է հայտարարության մեջ։