«Իրավունք». Հանրայինը վերածվել է Ալենի սեփական դուքյանի

 «Իրավունք» թերթը գրում է.

Քաղաքացիների հարկերից սնվող Հանրային հեռուստատեսությունը վերածվել է ԱԺ նախագահ Ալեն Սիմոնյանի սեփական դուքյանի: Լուրերի հիմնական թողարկման ժամանակ, օրինակ, կարելի է տեսնել Ալեն Սիմոնյանի երջանիկ դեմքը երաժշտության ներքո րոպեներ շարունակ: Ի՞նչ է տալու սա հեռուստադիտողին, եւ ո՞րն է այստեղ լուրը, թե բա Ալեն Սիմոնյանը շրջել է Վաղարշապատ քաղաքում…

Հըմ, գրեթե հերոսությո՜ւն: Բայց ամենաունիկալն այն է, որ սա մատուցվում է հեռուստադիտողին հեռախոսով նկարած կադրերով, որովհետեւ, ինչպես նշում է Մայր Աթոռի Տեղեկատվական համակարգի տնօրեն Տեր Եսայի քահանա Արթենյանը, նկարահանումն անգամ կատարվել է Մայր Տաճարում տեսագրության համար սահմանված կարգի շրջանցումով, ինչը խիստ անընդունելի է: Թերեւս ոչինչ չասող ռեպորտաժին լավագույն գնահատականը տվել է հենց Հանրայինը, երբ լուրերը վարողը տեսանյութի վերջում ամփոփում է՝ «թողնենք թեման...»:

Պարզապես, պետք էր եթեր չթողնել, ոչ թե ցույց տալուց հետո՝ թողնել թեման: Ի դեպ, ժամանակին Հանրային տնօրեն Հովհաննես Մովսիսյանը, երբ մի քանի ժամանոց հարցազրույց արեց Ալեն Սիմոնյանի հետ, խոստանում էր շարունակել իր հարցազրույցների շարքը: Ի՞նչ եղավ: Թե՞ այդ պետպատվերը մենակ Սիմոնյան Ալենի համար էր, Հանրայինն էլ սիրողական բլոգ:

ՀՐԱՆՏ ՍԱՐԱՖՅԱՆ

Այս թեմայով ՔՊ-ի կեղտոտ սպիտակեղենը փռել են արեւին Հայկ Սարգսյանն ասեց՝ պապայի ընկերն ա, կարա՞ գա. Սիմոնյանը մանրամասներ է պատմում քրեական հեղինակության հետ հանդիպումից Մոսկվայում Հայկ Սարգսյանի բերած մարդը սադրեց, կոնֆլիկտ եղավ, քաշեց ձեռքիցս, բղավեցի վրան Գանձասարի դեպքով Հաջիևի հետ խոսել եմ, ինքն իմ համարն ունի, ես իրենը, ամեն ինչին չենք արձագանքելու, «Կալաշնիկով»-ը ներկայացրել է հակադրոնային պաշտպանության նոր համակարգ