Կուպյանսկի հարավում ռուսները ոչնչացրել են դեպի Օսկոլ գետի արեւելյան հատված տանող վերջին կամուրջը (Տեսանյութ, քարտեզ)

Կուպյանսկի ճակատում ռուսական ավիացիան ոչնչացրել է Օսինովոյի մոտակայքում գտնվող պոնտոնային կամուրջը, որով ուկրաինական կողմը փորձում էր մատակարարել Օսկոլ գետի արեւելյան հատվածում գտնվող ուկրաինական ուժերին:

Բանն այն է, որ այս պահին ֆիզիկապես ռուսական հսկողության տակ է դեպի Օսկոլի արեւելյան ափ տանող հիմնական մայրուղին, որը գտնվում է Կուպյանսկում:

Դրանից հարավ ընկած երկրորդ կամուրջը, որը տանում էր Կուպյանսկ-Ուզլեվոյ, ռուսները ոչնչացրեցին օրերս: Եվ ահա, ոչնչացված է նաեւ ավելի հարավում հիմնված վերջին կամուրջը: Ուկրաինական կողմը, հասկանալի է, կփորձի ժամանակավոր կամուրջներ ստեղծելով, շարունակել մատակարարումները, հաշվի առնելով, որ Օսկոլի արեւելյան հատվածում ուկրաինական վերահսկողության տակ գտնվող բավականին ծավալուն գոտին, տասնյակ մեծ ու փոքր բնակավայրերով հանդերձ, մնացել է օպերատիվ շրջապատման մեջ: Բայց երբ հիմնական անցուղիները ոչնչացված են, ապա նոր ստեղծվելիք պոնտոնային կամուրջները կգտնվեն ռուսական մշտական խոցման օբյեկտներ:

Ամեն դեպքում ֆիքսենք`  Օսկոլի արեւելյան հատվածում ուկրաինական վերահսկողության տակ գտնվող այդ ծավալուն գոտին անելանելի վիճակում է:

Բուն Կուպյանսկի մոտ 90 տոկոսը ռուսական վերահսկողության տակ է: Քաղաքի կենտրոնական հատվածում ուկրաինական բավականին մեծ ուժեր շրջապատման մեջ են:

Այս թեմայով Ուկրաինական աղբյուրներ. ռուսները վերադարձել են մշտական հարվածների սխեմային. Կիեւում երկրորդ օրն է, որ հարձակումը շարունակվում է Ռուսական հարվածից հետո Կիևում փլուզվել Սլավուտիչի «Հարավային» կամուրջը Վերջին երկու օրերին Իրանը Հորմուզի նեղուցում հարձակվել է 19 նավի վրա (Տեսանյութ) Այս կենդանակերպի նշանների ներկայացուցիչները կարող են անսպասելի հաջողություն ունենալ սեպտեմբերի վերջին Ռուսները խոցել են Ուկրաինայում ինտերնետ հասանելիություն ապահովող օբյեկտների 25%-ը