Ադրբեջանում ստորագրվել է «Գաբալայի հռչակագիրը», որում հիշատակվում է նաև «Զանգեզուրի միջանցքը»

Ադրբեջանում Թյուրքալեզու պետությունների կազմակերպության (ԹՊԿ) գագաթնաժողովից հետո ստորագրվել է Գաբալայի հռչակագիրը։ Այս մասին հայտնում են ադրբեջանական ԶԼՄ–ները։։

«ԹՊԿ-ի 12-րդ գագաթնաժողովից հետո ստորագրվել է Գաբալայի հռչակագիրը», - ասվում է հայտարարության մեջ։

Ադրբեջանի արտաքին գործերի նախարար Ջեյհուն Բայրամովը հայտարարել է, որ հռչակագիրը վերահաստատում է թյուրքական աշխարհում համերաշխության ամրապնդումը, փոխադարձ վստահության աճը և ինքնիշխանության, անկախության և պետականության սկզբունքներին նվիրվածությունը։

Փաստաթուղթը ընդգծում է կազմակերպության դերը որպես տարածաշրջանային խաղաղության և բազմակողմ համագործակցության խթանման կառուցողական հարթակ և նշում է համատեղ գործողությունների կարևորությունը այնպիսի մարտահրավերների դեմ, ինչպիսիք են ապատեղեկատվությունը, կիբերսպառնալիքները և կլիմայի փոփոխությունը։

Ավելին, ըստ Բայրամովի, փաստաթղթում հիշատակվում է նաև այսպես կոչված «Զանգեզուրի միջանցքը»։

«Առաջնորդները նշել են Միջին միջանցքի միջազգային տրանսպորտային երթուղու, այդ թվում՝ «Զանգեզուրի միջանցքի» ռազմավարական նշանակությունը՝ ընդգծելով, որ այն զգալիորեն կնպաստի թյուրքալեզու պետությունների միջև կապերի ամրապնդմանը, առևտրաշրջանառության ավելացմանը և ներտարածաշրջանային տնտեսական համագործակցության զարգացմանը։

Պետությունների և կառավարությունների ղեկավարները նաև վերահաստատել են Միջին միջանցքի անդամ երկրների միջև տարածաշրջանային և միջազգային հարցերի վերաբերյալ ընդհանուր դիրքորոշումների մշակման կարևորությունը», - հայտարարել է Ադրբեջանի արտաքին գործերի նախարարը։

Այս թեմայով Ալիև․ «Զանգեզուրի միջանցքի նախագիծը Ադրբեջանի տարածքում ակտիվորեն իրականացվում է» ԶԳՈՒՇԱՑԵՔ. 08.08 հայելային օր է, լի բացահայտումներով Աշխատանքներ են տարվում «Զանգեզուրի միջանցքի» ճանապարհային և երկաթուղային նախագծի վրա. Ադրբեջանի ԱԳՆ «Զանգեզուրի միջանցքը» կկապի Ադրբեջանի հիմնական հատվածը Նախիջևանի տարածաշրջանի հետ. Ալիև Թուրքիայից հայտարարել են, թե «Զանգեզուրի միջանցքի» ադրբեջանական հատվածում աշխատանքները ավարտվում են