«Սա մեր համատեղ հաղթանակն է». ԱԳՆ նախկին խոսնակը՝ քաղցկեղի դեմ պայքարի իր պատմության մասին

ՀՀ ԱԳՆ նախկին խոսնակ Աննա Նաղդալյանը գրում է․ «Երբ որոշեցի պատմել իմ ու Ներսեսի պատմությունը, այսքան մեծ ու դրական արձագանք չէի կարող անգամ պատկերացնել։ Ես իրապես բախտավոր եմ, որ դուք կաք իմ կյանքում։ Ձեր տված էներգիան ինձ շատ էր պետք հենց հիմա՝ երբ մոտեցել եմ բուժման ամենավերջին փուլին, երբ երբեմն ուժերս մի քիչ նվազում են։ Ձեր շնորհիվ ես ստացա բոլոր այն լիցքերը, որոնք անհրաժեշտ են քիմիոթերապիայի վերջին կուրսն անցնելու և այս մարտը հաղթական ավարտելու համար։

Որքան էլ ուժեղ լինես, քաղցկեղի ճանապարհը միայնակ չես անցնի։ Ես պարզապես քաղում էի ձեր սերն ու հոգատարությունը, դրական լիցքերը՝ այդ ճանապարհին չընկճվելու համար։ Շատերիդ չեմ պատմել հիվանդության մասին, բայց դուք անպայման նկատել եք, որ մշտապես կապի մեջ եմ եղել։ Դա էգոիստաբար արել եմ հենց այդ լիցքերը ստանալու ու ուժեղ մնալու համար։

Անչափ շնորհակալ եմ բոլորիդ բարեմաղթանքների, աջակցության ու սրտացավության համար։ Սա միայն իմ, այլ նաև մեր համատեղ հաղթանակն է, որը մենք դեռ երկար ենք տոնելու։

Հ.գ. բոլոր նամակներին ու մաղթանքներին առանձին պատասխանելու եմ, մնում է Ներսեսը գրկիցս մի քիչ իջնի»։

https://www.facebook.com/share/1BaBnRKAWG/

Այս թեմայով ՌԴ ԱԳՆ-ն խորհուրդ է տալիս ձեռնպահ մնալ Իրան ուղևորություններից Նեոնացիզմի փաստաբան «կատակասեր» Սարիկը Ադրբեջանի ԱԳՆ-ն 31 Թուրքիայի քաղաքացիների հայտարարել է «անցանկալի անձ» Դեսպանատներում արցախցիներին ասում են՝ ԱԳՆ-ն ասել է, որ ձեր անձնագրերը ՀՀ-ի չեն և վիզաները մերժում են ՀՀ ԱԳՆ կայքից անհետացել է Հայաստանի «Արտաքին քաղաքականություն» էջի բովանդակությունը