80 հազար դրամով տուգանվել են Շաքիի ջրվեժում «գենդեր փարթի» իրականացնողները

Շաքիի ջրվեժում «գենդեր փարթի» իրականացրածները տուգանվել են 80 հազար դրամով։ Այս մասին լրատվամիջոցներին հայտնել է Բնապահպանության և ընդերքի տեսչական մարմնի մամուլի խոսնակ Նաիրա Աղաբաբյանը։

Հիշեցնենք, որ հոկտեմբերի 5-ին Սիսիան քաղաքի բնակիչ Ա.Օ.-ն Շաքիի ջրվեժում «գենդեր փարթի» է իրականացրել՝ ջրվեժը գունավորելու նպատակով օգտագործելով սննդային հավելում համարվող գունանյութ։

Ավելի ուշ հայտնի է դարձել, որ Բնապահպանության և ընդերքի տեսչական մարմնում վարչական վարույթ է հարուցվել, Շաքիի ջրվեժը գունավորած անձը հայտնաբերվել է և վարչական պատասխանատվության ենթարկվել բնության հատուկ պահպանվող տարածքի ռեժիմը խախտելու համար։

ՀՀ շրջակա միջավայրի նախարարությունը հայտնել է, որ հարուցված վարչական վարույթի շրջանակում լաբորատոր հետազոտության նպատակով կատարվել են ջրի նմուշառումներ։ Ջրի որակի փոփոխության դեպքում կհաշվարկվի ջրային ռեսուրսներին պատճառված վնասը։ 

Այս թեմայով Ռուսաստանից արտաքսվել է շուրջ 100 հազար միգրանտ Նվազագույնը 100 հազար դրամ․Ինչ գին ունի սեպտեմբերի 1-ը Բախտագուշակը տուգանվել է՝ կեղծ տեղեկություններ տարածելու համար Սանկտ Պետերբուրգում այրվում է Պուշկինսկի շրջանի պահեստային համալիրի 82 հազար քմ տարածք (Տեսանյութ) Հովիկ Աբրահամյանի որդին, սպանված հովիվը և անհետացած 60 հազար դոլարը․ բացահայտում