ՌԴ-ում առգրավել եւ պետականացվել են «Սպայկայի» ավելի քան 120 մեքենա

Այսպես կոչված. Թրամփի ճանապարհի (իսկ, եթե իրերը կոչենք իրենց անուններով Զանգեզուրի միջանցքի) Ալիեւին նվիրելու մասին հայտարարելուց հետո ՌԴ-ից Նիկոլը ստացավ մի շարք շատ խիստ նախազգուշացումներ: Նրան նաեւ հասկացրեցին, որ տնտեսական ոլորտում իրեն տված ամենաթողության լիմիտը սպառված է: Դա հատկապես երեւաց «Սպայկայի» հետ կապված իրադարձություններում: Ըստ լուրերի, «Սպայկայի» օգուտների զգալի մասը այս կամ այն կերպով հասնում էր Նիկոլին: Այդ լուրերը սկսեցին տարածվել այն բանից հետո, երբ  Նիկոլի իշխանազավթումից անմիջապես հետո` 2019 թվականի ապրիլի 4-ին «Սպայկայի» տնօրեն Դավիթ Ղազարյանը կալանավորվեց քր. օր.-ի 205 հոդվածի 2-րդ մասով, առտանձնապես խոշոր չափերով հարկերից խուսափելու համար: Այն ժամանակ նրան մեղսագրվում էր 7 մլրդ դրամի պետությանը  հասցված վնաս: Սակայն որոշ ժամանակ անց Դավիթ Ղազարյանը գրավով ազատ արձակվեց, իսկ 2024 թվականի նոյեմբերի 11-ին նրա դեմ հարուցված քրեական գործը կարճվեց, նրա կողմից պետությանը ընդամենը 18 մլն դրամ վճարլուց հետո: Եվ ահա այն ժամանակ լուրերը, որ «Սպայկայի» շուրջ գնաց մեծ բազար եւ իշխանական ինչ-ինչ շրջանակներ ստացան իրենց ուզածը բորբոքվեցին նոր թափով:

Եվ ահա ՌԴ դատարանի վճռով «Սպայկայի» ավելի քան 120 մեքենաներ իրենց բեռներով պետականացվել են եւ փոխանցվել պետության հաշվեկշռին: Ավելին, ռուսական դատարանը մեծ տույժ-տուգանքներ է դրել «Սպայկայի» վրա: Բանն այն է, որ ըստ դատարանի «Սպայկան» խախտել է Ռուսաստանի հարկային օրենսդրությունը: Ընդ որում, դա արել է ոչ թե մեկ անգամ, այլ երկար ժամանակ: 

Այս քայլի ենթատեքստը հավանաբար այն է, որ եթե Նիկոլը որոշել է գնալ դեպի Եվրամիություն, իսկ նախկինում ստորագրած փաստաթղթերին հակառակ Ադրբեջան-Նախիջեւան ճանապարհը դնել ոչ թե ռուսների, այլ ամերիկացիների վերահսկողության տակ, ապա պետք է մոռանա, որ կարող է հեշը ու հանգիստ ճանապարհներով մեծ փողեր ստանալ Ռուսաստանում բիզնես անելուց, իսկ հայկական ապրանքները այդ դեպքում պետք է ուղարկել վաճառվելու Թուրքիայում, Եվրամիությունում կամ ԱՄՆ-ում: Դժվար է պատկերացնել, որ այդ  երկրներում ինչ-որ մեկին պետք կլինի հայկական լոլիկը կամ ծիրանը:

Ինչ վերաբերում է հարյուր-հազարավոր գյուղացիներ եւ «Սպայկայաի» աշխատակիցներին, ապա նրանք հավանաբար իրենց «մեծ շնորհակալությունը» կհայտնեն Նիկոլին մոտակա ընտրություններում իրենց անգործ ու անեկամոևտ թողնելու համար:

Ա. Հովհաննիսյան

Այս թեմայով Երևանում շտապօգնության մեքենան վրաերթի է ենթարկել հետիոտնին. վերջինը մահացել է Գլուխներդ պատերով տվեք, բայց նենց արեք՝ ժողովուրդը ՔՊ-ին վստահի Ձեզ խելոք պահեք, թե չէ հաջորդ կիրակի կարող է ավելի բարկացած լինեմ ուրիշ մանրամասներ էլ հիշեմ ԱԲ-ն գուշակ չէ. Տեղեկատվական անվտանգության փորձագետը զգուշացնում է Բրիտանիայի համար ավելի մեծ վտանգ է ոչ թե Չինաստանը, այլ` Ռուսաստանը. MI6–ի նախկին ղեկավար