Հերթական վարչապետի հրաժարականից հետո Մակրոնը ստիպված է ինքը հրաժարական տալ, բայց երեւի կմնա աթոռից կառչած

Ֆրանսիայի վարչապետ Սեբաստիան Լեկորնուն հրաժարական է տվել։ Որոշումը կայացվել է իր կառավարության մի մասը ներկայացնելուց հետո սուր քննադատությունների ֆոնին։

Սոցիալիստական ​​կուսակցության առաջին քարտուղար Օլիվիե Ֆորը Ֆրանսիայում քաղաքական ճգնաժամը անվանել է «աննախադեպ», իսկ Լեկորնուի ներկայացրած կառավարությունը՝ «թույլ» և «զարմանալիորեն նման» նախկին վարչապետ Ֆրանսուա Բայրուի կառավարությանը։

Աջ ծայրահեղ «Ազգային միավորում» կուսակցության նախագահ Ժորդան Բարդելան կոչ է արել նախագահ Էմանուել Մակրոնին լուծարել Ազգային ժողովը։ Նա հայտարարել է, որ նորանշանակ վարչապետը «հավանաբար մանևրելու տեղ չունի»։ «Անհնար է վերականգնել կայունությունը առանց ընտրություններին վերադառնալու և Ազգային ժողովը լուծարելու»,- նրա խոսքերն է մեջբերել Le Monde-ը։

Պաշտպանության նախկին նախարար Սեբաստիան Լեկորնուն, որը համարվում էր Մակրոնի մտերիմ դաշնակիցը, նշանակվել է վարչապետ 2025 թվականի սեպտեմբերի 9-ին: Նա փոխարինել է Ֆրանսուա Բայրուին, որը հրաժարական է տվել սեպտեմբերի 8-ին խորհրդարանի կողմից նրա կառավարությանը անվստահություն հայտնելուց հետո: Բայրուն վարչապետ է եղել ընդամենը ինը ամիս, իսկ Լեկորնուն՝ մեկ ամսից էլ պակաս դիմացավ:

Սա մեկ բան է նշանակում, որի մասին խոսեց «Պատրիոտներ» կուսակցության առաջնորդ Ֆլորիան Ֆիլիպոն. «Լեկորնուն հենց նոր հրաժարական տվեց։ Հիմա Մակրոնի հերթն է»։

Այս թեմայով Փնտրվում է Վայքի ՔՊ-ական թեկնածուի դեկանը համ ֆեյք դեկանի հետքերով Ռուսական հարվածից հետո Կիևում փլուզվել Սլավուտիչի «Հարավային» կամուրջը Դժբախտ պատահարի հետևանքով մահացած 14 ղազախ զինծառայողի դեպքից հետո պաշտոնանկ է արվել Ղազախստանի ՊՆ նախարարը Սաուդյան Արաբիան ստիպված է դիզելային վառելիք գնել և բենզին գնել Եվրոպայից 6 տարի առաջ այս օրը ընկան հազարավոր ՏՂԱՆԵՐ