Պուտինը շատ լավ գիտի Գերմանիան․ Պիստորիուս

Գերմանիայի ՊՆ նախարար Բորիս Պիստորիուսը կոչ է արել հանգստություն պահպանել ԱԹՍ-ների մասին հաղորդագրություններից հետո՝ ընդգծելով՝ նման միջադեպերը կապված են վախի և անորոշության մթնոլորտ ստեղծելուն ուղղված հոգեբանական գործողությունների հետ: Նրա խոսքերն է մեջբերում Handelsblatt-ը։

Նրա խոսքով՝ Ռուսաստանը նման գործողություններն օգտագործում է ապակայունացման համար, իսկ նպատակը ոչ այնքան ֆիզիկական վնասն է, որքան Գերմանիայում հասարակական տրամադրության վրա ազդեցությունը: «Խոսքը սադրանքի մասին է՝ վախ առաջացնելու, հանրությանը շփոթեցնելու, կասկածներ սերմանելու և անհարկի քննարկումներ հրահրելու փորձի մասին», - հայտարարել է Պիստորիուսը:

Նախարարն ընդգծել է՝ Ռուսաստանի նախագահ Պուտինը «շատ լավ գիտի Գերմանիան», նրա մտածելակերպը, թույլ կողմերը և «հասարակության ռեֆլեքսները»: «Նա հասկանում է՝ ինչ թեմաներ են մեզ մոտ անհանգստություն առաջացնում, ինչ կարելի է անել իրավիճակը ապակայունացնելու համար։ Եվ նա օգտվում է դրանից», - ասել է Պիստորիուսը։ Նախարարի կարծիքով՝ Գերմանիան չպետք է ենթարկվի նման հոգեբանական մանիպուլյացիաների և պետք է «մնա սառնասիրտ և հավաքված»:

Այս թեմայով Կիևի հարձակումներին Ռուսաստանի պատասխանն այնքան զգայուն էր, որ Կիևը հրադադարի խնդրանք ներկայացրեց. Պուտին Բարեկամ հայ ժողովրդին մաղթում եմ բարեկեցություն և բարգավաճում․ Պուտինը ուղերձ է հղել Փաշինյանին Եվրոպան պատրաստվում է պատերազմի. ՆԱՏՕ-ն ընդլայնվում է. Պուտին Վլադիմիր Պուտինն ու Սի Ծինփինը BRICS-ի ընթացքում զրուցելու հնարավորություն կունենան. Պեսկով Արևմտյան զորքերի մուտքը Ուկրաինա կնշանակի պատերազմի հայտարարում Ռուսաստանին. Պուտին