Առաջին անգամ «Հայ Ֆեստի» շրջանակներում ցուցադրվեց մեդիա-ջրային ներկայացում

«Հայ Ֆեստ» կատարողական արվեստների միջազգային փառատոնի շրջանակում առաջին անգամ ցուցադրվեց մեդիա-ջրային ներկայացում: Բելգիական Սեյքրըդ Փլեյսիսի «Ստվերների Պարը» Պապլավոկի այգում ապշեցրել էր հանդիսատեսին ու, պարզապես, անցորդներին՝ յուրահատուկ խորհրդավորություն տալով երեւանյան գիշերվան:

 

Նշենք, որ Սեյքրըդ Փլեյսիսը հարթակ է, որտեղ տղամարդիկ եւ կանայք, հմտություններն ու կարգապահությունը միավորվում են։ Ինչ վերաբերում է շոուին, այն ներկայացվեց մասնագիտացված պրոյեկցիաների շնորհիվ, որոնք նախագծված են շատրվանը լրացնելու եւ նրա հետ փոխազդելու համար։ Այս մեդիա-ջրային տեսարժան ներկայացումը խորհրդանշում էր պարի, ջրային էֆեկտների և պրոյեկցիաների միասնությունը։ Գաղափարի հեղինակներն են բելգիացի Յեսսե Դե Քեյզերը եւ Բեն Դե Քեյզերը: